امریکی ریاست نیویارک کے علاقے ہارلیم میں واقع ایک گھر میں خوفناک آتشزدگی کا واقعہ پیش آیا۔
دی سن کی جانب سے جاری ہونے والی ویڈیو میں دیکھا جاسکتا ہے کہ دو منزلہ عمارت کی بالائی منزل پر خوفناک آگ لگی ہوئی ہے جبکہ بلی اپنی جان بچانے کے لیے کھڑکی میں لٹکی ہوئی ہے۔
اس عمارت کے نیچے پولیس اہلکار ، ریسکیو حکام کے ساتھ موجود تھے مگر انہیں اوپر جانے کی جگہ نہ مل سکی۔
خوش قسمتی سے آتشزدگی کے نتیجے میں کوئی جانی نقصان نہیں ہوا البتہ جب اہل خانہ باہر آگئے تو انہیں اپنی بلی کا خیال آیا۔
اس دوران انہوں نے جب اوپر دیکھا تو بلی کھڑکی میں لٹکی ہوئی مدد کے لیے پکار رہی تھی۔
ویڈیو میں دیکھا جاسکتا ہے کہ بلی کے جسم کا پچھلا حصہ جھلسا ہوا تھا، پولیس اہلکاروں نے بلی کو چمکار کر بلانے کی کوشش کی مگر وہ خوف اور تکلیف کی وجہ سے کچھ کرنے کے قابل نہیں تھی۔
Cat jumps out of a second floor window as building is engulfed in fire pic.twitter.com/auLxW3xpNb
— The Sun (@TheSun) October 27, 2020
اہلکاروں نے مالک کو بلا کر بلی کو بلایا تو اُس نے چھلانگ لگا دی۔ بلی جب نیچے آئی تو اُس کا جسم جھلسہ ہوا تھا۔
