بلی ایک بہت معصوم اور گھریلو قسم کا جانور ہے جو انسانوں سے بہت جلد مانوس ہوجاتا ہے، قدرت نے ان کو ایک ایسے غیر معمولی ہتھیار سے نوازا ہے جو ان کی جان بچانے کیلئے بہت مددگار ثابت ہوتا ہے۔
وہ ہتھیار ان کی چھٹی حس ہے جو ان کو کسی بھی خطرے سے فوری آگاہ کرتا ہے اور وہ انتہائی پھرتی کے ساتھ اپنا دفاع کرنے میں کامیاب رہتی ہیں۔
یہ بات بھی قابل ذکر ہے کہ بلیاں پیدائشی شکاری ہوتی ہیں اسی بات کے پیش نظر انہیں محاورتاً شیر کی خالہ بھی کہا جاتا ہے۔
تاہم اسی حوالے سے آج ہم آپ کیلئے ایک خاص ویڈیو لائے ہیں کہ جس میں دکھایا گیا ہے کہ بلی اپنا دفاع کتنی کامیابی اور حیرت انگیز طریقے سے کرتی ہے کہ پھرتیلا سانپ بھی اس کے سامنے بے بس ہوجاتا ہے۔
ویڈیو میں دکھایا گیا ہے کہ ایک سانپ اور بلی آمنے سامنے ہوتے ہیں اور سانپ اس پر حملہ کرنے کیلئے بلی کے چہرے کے بالکل قریب منہ کھولے ہوئے تیار بیٹھا ہے، دیکھنے والوں کو ایسا لگتا ہے کہ جیسے اگلے ہی لمحے وہ بلی کو ڈس کر مار ڈالے گا۔
The average cat’s reaction time is approximately 20-70 milliseconds, which is faster than the average snake’s reaction time, 44-70 milliseconds. pic.twitter.com/hykJwX894r
— Terrifying Nature (@TerrifyingNatur) May 2, 2023
اس دوران بلی نے ناقابل یقین اور حیرت انگیز طور پر انتہائی پُھرتی کا مظاہرہ کرتے ہوئے سانپ کو ایک زوردار تھپڑ رسید کیا اور سانپ اگلے ہی لمحے زمین پر گر جاتا ہے۔
ویڈیو کو ٹوئٹر پر ٹیریفیانگ نیچر نامی اکاؤنٹ سے شکیئر کیا گیا ہے جس کے کیپشن میں بتایا گیا ہے کہ بلی کے ردعمل کا اوسط وقت تقریباً 20-70 ملی سیکنڈ ہے جو کہ سانپ کے ردعمل کے اوسط وقت، 44-70 ملی سیکنڈز سے زیادہ تیز ہے۔
ایک تحقیق کے مطابق بلیاں اپنی اونچائی سے چھ گنا تک چھلانگ لگا سکتی ہیں کیونکہ ان کی ٹانگوں کے پٹھے بہت مضبوط ہوتے ہیں جو انہیں ہوا میں لے جاتے ہیں۔ بلیوں کو قدرت نے 18 انگلیاں عطا کی ہیں، ان کے اگلے پنجوں میں سے ہر ایک پر پانچ انگلیاں اور پچھلے پنجوں پر چار انگلیاں ہوتی ہیں۔