ہانگ کانگ کے بین الاقوامی ہوائی اڈے پر کیتھے پیسیفک جیٹ لائنر نے ہفتے کی صبح اپنی ایک پرواز ٹیک آف کے فوری بعد تکنیکی مسئلے کے باعث منسوخ کردی اس دوران بھگدڑ مچنے پر11 مسافر طیارے سے ہنگامی طور پر نکلتے ہوئے زخمی ہوگئے۔
غیرملکی خبر رساں ادارے ’روئٹرز‘ کی رپورٹ کے مطابق اس حوالے سے کیتھے پیسیفک ترجمان نے ایک جاری بیان میں کہا ہے کہ ہانگ کانگ سے لاس اینجلس جانے والی پرواز میں عملے کے 17 افراد اور 293 مسافر سوار تھے۔
عملے کی طرف سے تکنیکی مسئلے کا علم ہونے کے بعد معیاری طریقہ کار کے مطابق طیارے کے ٹیک آف کو روک دیا گیا۔
سرکاری نشریاتی ادارے آر ٹی ایچ کے نے پولیس حکام کے حوالے سے رپورٹ کیا ہے کہ طیارے کا ایک ٹائر زیادہ گرم ہونے کی وجہ سے پھٹ گیا تھا۔
11 hospitalised as Cathay Pacific flight aborts take-off at Hong Kong Int’l Airport
🔗 https://t.co/5irG7bZ4n6 pic.twitter.com/qiwdlQOSzd
— Hong Kong Free Press HKFP (@hkfp) June 24, 2023
ائیرلائن نے ایک بیان میں کہا کہ لاس اینجلس کے لیے روانہ ہونے والی پرواز سی ایکس 880 ایک "تکنیکی مسئلے” کے فورا بعد گیٹ پر واپس آگئی جس کی وجہ سے عملے نے ٹیک آف کو روک دیا اور احتیاطی طور پر مسافروں کا انخلاء شروع کر دیا گیا۔
کیتھے پیسیفک نے بتایا کہ پچھلے دروازے سے پانچ سلائیڈوں کا استعمال کرتے ہوئے طیارے سے باہر نکلتے ہوئے متعدد مسافر زخمی ہوئے۔11 میں سے 9 مسافروں کو علاج کے بعد اسپتال سے روانہ کردیا گیا جبکہ اسپتال میں داخل 2 مسافروں کو طبی امداد فراہم کی جارہی ہے۔
کیتھے پیسیفک ترجمان نے بتایا کہ ہم خلوص دل سے صارفین سے معذرت خواہ ہیں۔
