لاہور: پاکستان سپر لیگ (پی ایس ایل) میں پہلی بار فرنچائز نے خاتون کوچ کی تقرری کردی۔
اے آر وائی نیوز کے مطابق پی ایس ایل کی فرنچائز ملتان سلطانز نے آئرلینڈ کی کیتھرین ڈالٹن کو ٹیم کا فاسٹ بولنگ کوچ مقرر کیا گیا ہے۔
کیتھرین ڈالٹن ٹاپ لیول پر مینز ٹیم کی پہلی خاتون کوچ ہیں، انہوں نے چار ون ڈے اور چار انٹرنیشنل ٹی 20 میچز کھیلے ہیں جبکہ وہ پہلے ہی دو مرتبہ پاکستان کا دورہ کرچکی ہیں۔
کیتھرین ڈالٹن آئی سی بی لیول تھری ایڈوانس کوچ ہیں جبکہ وہ انگلینڈ میں نیشنل فاسٹ بولنگ اکیڈمی میں بھی کوچنگ کر چکی ہیں۔
اس کے علاوہ کیتھرین ڈالٹن نے پیس فاؤنڈیشن میں بھارت کے دیپک چہار جیسے بولرز کے ساتھ کام کیا۔
Pace ace Catherine Dalton (@cathdalton57) joins Multan Sultans as our new Fast Bowling Coach!
An @ECB_cricket certified Level 3 Advanced Coach, Dalton has previously held coaching positions in the National Fast Bowling Academy in the UK and the Ultimate Pace Foundation in… pic.twitter.com/8tYoX9cf75
— Multan Sultans (@MultanSultans) October 17, 2023
پی ایس ایل میں کوچنگ کی ذمہ داریاں ملنے پر کیتھرین ڈالٹن نے اپنے بیان میں کہا کہ میں ملتان سلطانز کے ساتھ پی ایس ایل میں کام کرنے کے لیے پرجوش ہوں۔
انہوں نے کہا کہ میں اس سے پہلے بھی ملتان سلطانز کے ساتھ کام کر چکی ہوں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں