مویشی منڈی میں اگر جانور کی خریداری کے لیے جانا ہو تو آپ کو پہلے کیش رقم کا انتظام کرنا ہوتا ہے اور پھر اسے سنبھالنے کی فکر رہتی ہے۔
لییکن اب سٹیٹ بینک نے مویشی منڈیوں میں جانوروں کی خریداری کے عمل کو آن لائن ادائیگی کے ذریعے ممکن بنا دیا ہے۔
مویشی منڈی میں اب جانوروں کی خریداری کیلئے کیش لے جانے کی ضرورت نہیں، اسٹیٹ بینک کا کہنا ہے کہ عوام آسان اور محفوظ ڈیجیٹل ادائیگی سے فائدہ اٹھائیں۔
اے آر وائی نیوز کی رپورٹ کے مطابق اسٹیٹ بینک نے عیدالاضحیٰ کیلئے ملک بھر میں”گوکیش لیس” مہم کا آغاز کردیا۔
مویشی منڈی میں نقد خریداری کے بجائے ڈیجیٹل ادائیگیوں کیلئے اہم اقدامات کا اعلان کیا گیا ہے، اسٹیٹ بینک نے مختلف بینک اکاؤنٹس پر مالی ٹرانزیکشن کی یومیہ حد ختم کردی۔
اسٹیٹ بینک کے مطابق مالی ٹرانزیکشنز کی ماہانہ حد کو بھی50لاکھ تک بڑھا دیا گیا ہے، برانچ لیس بینکاری لیول ون اکاؤنٹ،آسان ،مرچنٹ اکاؤنٹ،آسان ڈیجیٹل اکاؤنٹ پر لاگو ہے۔
بیوپاری اور خریدار دونوں ڈیجیٹل ادائیگی کی سہولت سے فائدہ اٹھا سکتے ہیں، بیوپاری منڈی میں چارے، پانی، پارکنگ و دیگرادائیگیاں بھی ڈیجیٹل طریقے سے کرسکتے ہیں۔
مالی ٹرانزیکشنز پرسہولت، اضافی حد کا اطلاق20مئی سے16جون تک ہوگا، یہ سہولت ملک بھر کی54مویشی منڈیوں کیلئے دستیاب ہوگی۔
