نئی دہلی: بہار کی سابق وزیر اعلیٰ اور لالو پرساد یادو کی بیوی رابڑی دیوی کی رہائش گاہ پر سی بی آئی کے چھاپے پر پریانکا گاندھی نے سخت رد عمل ظاہر کیا ہے۔
بھارتی میڈیا کے مطابق پریانکا گاندھی نے ایک بیان میں مودی سرکار کو تنقید کا نشانہ بناتے ہوئے کہا ہے کہ جن رہنماؤں نے بی جے پی کے سامنے جھکنے سے انکار کیا ہے، انھیں اب سی بی آئی کے ذریعے ہراساں کیا جا رہا ہے۔
لالو پرساد یادو کی بیوی رابڑی دیوی کی رہائش گاہ پر چھاپے پر حزب اختلاف کے رہنما مودی سرکار کو تنقید کا نشانہ بنا رہے ہیں، کانگریس جنرل سیکریٹری پریانکا گاندھی نے بھی اس سلسلے میں ایک ٹوئٹ میں مرکزی حکومت پر اپوزیشن رہنماؤں کو پریشان کرنے کے حوالے سے تنقید کی ہے۔
پریانکا گاندھی نے اپنے ٹوئٹ میں لکھا کہ ’’جو اپوزیشن لیڈر بی جے پی کے سامنے جھکنے کو تیار نہیں ہیں، انھیں ای ڈی-سی بی آئی کے ذریعے پریشان کیا جا رہا ہے۔‘‘
जो विपक्षी नेता भाजपा के सामने झुकने को तैयार नहीं हैं, उन्हें ED-CBI के जरिये प्रताड़ित किया जा रहा है।
आज राबड़ी देवी जी को परेशान किया जा रहा है। @laluprasadrjd जी व उनके परिवार को वर्षों से प्रताड़ित किया जा रहा है, क्योंकि वे झुके नहीं।
भाजपा विपक्ष की आवाज दबाना चाहती है।
— Priyanka Gandhi Vadra (@priyankagandhi) March 6, 2023
پریانکا نے لکھا کہ آج رابڑی دیوی جی کو پریشان کیا جا رہا ہے، لالو پرساد جی اور ان کے کنبے کو سالوں سے ہراساں کیا جا رہا ہے کیوں کہ وہ جھکے نہیں، بی جے پی اس طرح اپوزیشن کی آواز دبانا چاہتی ہے۔‘‘
اس سے قبل رابڑی دیوی کے بیٹے اور بہار کے نائب وزیر اعلیٰ تیجسوی یادو نے بھی اپنی ماں کی رہائش گاہ پر سی بی آئی ٹیم کی آمد پر شدید رد عمل کا اظہار کیا۔ انھوں نے کہا ’’بی جے پی کو آئینہ دکھانے والوں کے خلاف ای ڈی اور سی بی آئی جیسی ایجنسی کارروائی کر رہی ہے، عوام سب دیکھ رہی ہے۔‘‘
انھوں نے کہا کہ بی جے پی کے ساتھ رہنے یا ان کے ساتھ جانے والے راجہ ہریش چندر ہو جاتے ہیں۔
“बिहार की जनता देख ही रही कि जिस दिन से बिहार में जनता के महागठबंधन की नई सरकार बनी है, CBI-ED-IT का दुरुपयोग हर महीने किसी ना किसी पर हो ही रहा है….अब इससे कोई फ़र्क़ पड़ने वाला नहीं है, लोग भाजपा का खेल अच्छी तरह समझ चुके हैं…”
-श्री @yadavtejashwi जी, मा० उप मुख्यमंत्री pic.twitter.com/4uWItbSKrk
— युवा राजद (@yuva_rajad) March 6, 2023
واضح رہے کہ سی بی آئی کی ٹیم نے پیر کے روز بہار کی سابق وزیر اعلیٰ رابڑی دیوی کے پٹنہ میں واقع رہائش گاہ پر چھاپا مارا تھا، جس کا مقصد سابق وزیر ریل لالو پرساد یادو اور دیگر کے خلاف زمین کے بدلے ملازمت کے اسکینڈل میں تحقیقات کرنا تھا۔
