The news is by your side.

Advertisement

علی رضا عابدی پر حملے کی سی سی ٹی وی فوٹیج سامنے آگئی

کراچی: ایم کیو ایم پاکستان کے سابق رہنما علی رضا عابدی پر حملے کی سی سی ٹی وی فوٹیج سامنے آگئی، فوٹیج میں حملہ آوروں کو واضح طور پر دیکھا جاسکتا ہے۔

تفصیلات کے مطابق ایم کیو ایم پاکستان کے سابق رہنما علی رضا عابدی پر حملے کی سی سی ٹی وی فوٹیج سامنے آگئی، فوٹیج میں دیکھا جاسکتا ہے کہ 2 حملہ آور موٹر سائیکل پر آئے، حملہ آوروں نے علی رضا عابدی کی گاڑی رکتے ہی فائرنگ کردی۔

دہشت گردوں نے بہت قریب سے علی رضا عابدی پر فائرنگ کی، فوٹیج میں دیکھا جاسکتا ہے کہ ایک حملہ آور نے ہیلمٹ، دوسرے نے کیپ پہن رکھا تھا۔

ویڈیو میں دیکھا جاسکتا ہے کہ جیسے ہی علی رضا عابدی کی گاڑی گھر کے قریب رکتی ہے تو ڈرائیونگ سیٹ کے قریب جاکر ٹارگٹ کلر اندھا دھند فائرنگ شروع کردیتا ہے۔

نمائندہ اے آر وائی نیوز کامل عارف کے مطابق ٹارگٹ کلر تربیت یافتہ لگ رہے ہیں انہوں نے ریکی کے بعد علی رضا عابدی کو نشانہ بنایا۔

حملہ آوروں نے 10 سیکنڈ میں علی رضا عابدی کو ٹارگٹ کیا، سی ٹی ڈی حکام

سی ٹی ڈی حکام کے مطابق حملہ آوروں نے 10 سیکنڈ میں علی رضا عابدی کو ٹارگٹ کیا، 2 حملہ آور موٹر سائیکل پر آئے تھے، حملہ آوروں نے گھر کے دروازے پر ڈرائیونگ سائیڈ سے فائرنگ کی۔

سی ٹی ڈی حکام کا کہنا ہے کہ موٹر سائیکل پر سوار حملہ آور علی رضا عابدی کی گاڑی کے پیچھے پیچھے آئے تھے۔

خیال رہے کہ آج متحدہ قومی موومنٹ پاکستان کے سابق رہنما علی رضا عابدی فائرنگ سے جاں بحق ہو گئے، انھیں تشویش ناک حالت میں اسپتال منتقل کیا گیا تھا لیکن وہ جاں بر نہ ہو سکے۔

وزیرِ اعظم عمران خان نے علی رضا عابدی پر قاتلانہ حملے کی مذمت کرتے ہوئے رپورٹ طلب کر لی ہے۔

Comments

comments

یہ بھی پڑھیں