کراچی : لڑکی کی لاش سوٹ کیس میں پھینکنے والا رکشہ ڈرائیور نکلا، واقعے کی سی سی ٹی وی میں رکشے ڈرائیور کیساتھ ایک بچہ اور پیچھے خاتون بھی بیٹھی ہے۔
تفصیلات کے مطابق کراچی کے علاقے لیاقت آباد میں سوٹ کیس میں لڑکی کی لاش ملنے کے واقعے کی سی سی ٹی وی سامنے آگئی۔
جس میں ایک رکشے سے لڑکی کی لاش سوٹ کیس میں پھینکتے ہوئے دیکھا جاسکتا ہے، فوٹیج میں رکشے کو مین روڈ سے رونگ سائیڈ آتے دیکھا گیا۔
فوٹیج میں رکشے ڈرائیور کیساتھ ایک بچہ اور پیچھے خاتون کو بھی بیٹھا دیکھا جاسکتا ہے۔
تفتیشی ذرائع نے کہا ہے کہ تفتیش کا دائرہ ماں باپ کے گرد بھی گھومنے لگا ہے ، سوٹ کیس لیکر رکشہ ناظم آباد چورنگی سے لیاقت آباد چونا ڈپو آیا۔
ذرائع کے مطابق رکشہ سوار ملزمان رونگ سائیڈ آئے اور سوٹ کیس پھینک کر فرار ہوئے، پولیس رکشہ کے فرار والے راستوں کی سی سی ٹی وی حاصل کررہی ہے۔
تفتیشی ذرائع کا کہنا تھا کہ مقتولہ 19 سال کی لڑکی کو تشدد کے بعد قتل کیاگیا تاہم مزید تفتیش جاری ہے۔
