کولمبیا میں منشیات فروشی میں ملوث خطرناک قیدی سخت ترین سکیورٹی کے باوجود جیل سے فرار ہوگیا جس کی سی سی ٹی وی فوٹیج سامنے آگئی ہے۔
کولمبیا کا بدنام زمانہ منشیات فروش قیدی جوآن کاسترو سکیورٹی اہلکار کی وردی پہن کر جیل سے فرار ہوا۔ اس کے بعد جیل کے ایک محافظ کو فرار ہونے میں مدد کرنے پر گرفتار کر لیا گیا۔
جوآن کاسترو گزشتہ سال سے جیل میں تھا اور اس کی امریکا حوالگی کا انتظار کیا جا رہا تھا۔
🔴 En los videos se aprecia al poderoso narcotraficante salir por una reja que le deja abierta un inspector de apellido Jiménez ► https://t.co/66DoBnmIKk
📹: cortesía. pic.twitter.com/2iTgOgZYgQ
— EL TIEMPO (@ELTIEMPO) March 20, 2022
کولمبیا کی جیل سے جاری کردہ سی سی ٹی وی فوٹیج میں اسے ایک دروازے سے باہر نکلتے ہوئے دکھایا گیا جو کھلا تھا۔ قیدی سات دروازوں سے گزرا اور باآسانی فرار ہونے میں کامیاب ہوگیا۔ اس نے جیکٹ پہنی تھی جس سے اس کا چہرہ چھپا ہوا تھا۔
🚨 Finalmente, alias Matamba sale por la puerta haciendo un gesto con su mano derecha en señal de que todo está bien.
Acá los detalles ► https://t.co/66DoBnmIKk
Vía @JusticiaET pic.twitter.com/dGzH7s3q9x
— EL TIEMPO (@ELTIEMPO) March 20, 2022
کولمبیا کے مقامی اخبار کی ایک رپورٹ میں بتایا گیا کہ جوآن کاسترو جمعہ کی صبح تقریباً 12:30 بجے جیل سے فرار ہوا، اس نے جیل سے فرار ہونے کے لیے محافظ کو پانچ ملین ڈالرز کی رشوت دی۔ جیل کے ڈائریکٹر اور 55 دیگر محافظوں کو فوری طور پر معطل کر دیا گیا۔
جوآن کاسترو اس سے قبل 12 بار گرفتار ہو چکا ہے اور دو بار جیل سے فرار ہو چکا ہے۔
