اسلام آباد : سی ڈی اے نے پی ٹی آئی ممبران سے پارلیمنٹ لاجز خالی کرانے کے لیے آپریشن کا فیصلہ کرلیا۔
تفصیلات کے مطابق وفاقی ترقیاتی ادارے کیپیٹل ڈیویلپمنٹ اتھارٹی سی ڈی اے نے پی ٹی آئی ممبران سے پارلیمنٹ لاجزآج خالی کرانے کا فیصلہ کرلیا۔
سی ڈی اے کا کہنا ہے کہ پارلیمنٹ لاجز خالی کرانےکیلئے دن 2 بجے آپریشن کیا جائے گا۔
- Advertisement -
سی ڈی اے ڈائریکٹر کی جانب سے مجسٹریٹ کو آپریشن میں معاونت کیلئےخط لکھ دیا گیا ہے۔
خط کے متن میں کہا گیا ہے کہ آپریشن میں کسی بھی غیر معمولی صورتحال سے نمٹنے کیلئے معاونت کی جائے۔
سی ڈی اے کا کہنا تھا کہ پی ٹی آئی کے ممبران کو24 جنوری کو رہائش گاہیں خالی کرنے کا نوٹس دیا، رہائش گاہیں خالی نہ ہونے پرآج آپریشن کافیصلہ کیاگیاہے۔
خط کے مطابق اسد قیصر ، آفتاب جہانگیر سمیت متعدد اراکین نے پارلیمنٹ لاجز خالی نہیں کیے
