پاکستانی شوبز شخصیات نے پنجاب کے شہر جڑانوالہ میں متعدد گرجا گھروں کی توڑ پھوڑ اور نذر آتش کرنے کے واقعے کی شدید مذمت کی۔
تفصیلات کے مطابق پنجاب کے شہر جڑانوالہ میں متعدد گرجا گھروں کی توڑ پھوڑ اور نذر آتش کرنے پر پاکستانی شوبز شخصیات بھی بول پڑیں۔
اداکارہ ازیکا ڈینئیل نے اپنے ٹوئٹ میں لکھا کہ یہ جناح کا پاکستان نہیں ہے، میں مسیحی برادری کے خلاف اس ظلم کی شدید مذمت کرتی ہوں، چاہے چرچ ہو یا مسجد مقدس مقامات کا احترام کیوں نہیں کیا جا سکتا؟۔
This is NOT Jinnah’s Pakistan! I strongly condemn this atrocity against the Christian community. Why can’t show some respect for Holy places be it a Church or a Mosque? I stand against these atrocities and unjust acts of violence!
I DEMAND JUSTICE FOR ALL https://t.co/agfgYOgyEp— Azekah Daniel (@azekahdaniel1) August 16, 2023
اداکارہ سجل علی نے اپنی انسٹاگرام اسٹوری پر لکھا کہ ’کسی بھی مذہب میں تشدد کی کوئی جگہ نہیں ہے، یہ انتہائی افسوسناک عمل ہے۔
معروف گلوکار شہزاد رائے نے لکھا کہ پہلے بولنے سے ڈرتے تھے، اب نہ بولیں تو ڈر لگتا ہے، اگر ریاست واقعےمیں ملوث ہر فرد کو گرفتار کرکے مثال نہیں بناتی تو ہم برباد ہوجائیں گے۔
سینئر اداکارہ نادیہ جمیل نے سوال کیا کہ ’کہاں ہیں انسانی حقوق کے تمام نام نہاد کارکن؟ پاکستان کی مسیحی برادری کے اس ظلم اور اس افسوسناک عمل کے خلاف آواز اٹھانے والے لوگ کہاں ہیں؟
اداکارہ ماہرہ خان نے بھی گرجا گھروں کی توڑ پھوڑ اور نذر آتش کرنے کے واقعے پر افسوس کا اظہار کرتے ہوئے کہا کہ ہمیں شرم آنی چاہیے۔
