اسلام آباد میں یوم دفاع پر موبائل سروس بند کرنے کا فیصلہ -
The news is by your side.

Advertisement

اسلام آباد میں یوم دفاع پر موبائل سروس بند کرنے کا فیصلہ

اسلام آباد: یوم دفاع کے موقع پر وفاقی دارالحکومت میں سیلولر سروس بند کرنے کا فیصلہ کیا گیا ہے۔

تفصیلات کے مطابق 6 ستنبر کے موقع پر سیکیورٹی نقطہ نظر سے اسلام آباد میں 3 گھنٹے کے لئے موبائل سروس بند کی جائے گی۔

موبائل سروس کی بندش صبح 11 بجے سے دوپہر 2 بجے تک جاری رہے گی۔

سیلولرسروس کی بندش سے متعلق سمری وزارت داخلہ کو ارسال کردی گئی ہے جو کہ اس فیصلے کی باضابطہ منظوری دے کر پی ٹی اے کے لئے حکم نامہ جاری کرے گی۔

اس سے قبل بھی مختلف مواقع پر وفاقی دارالحکومت میں سیکیرٹی نقطہ نظر سے موبائل سروس بند کی جاتی رہی ہے تاہم اس بار اس بندش کا دورانیہ انتہائی مختصر ہے۔

واضح رہے کہ اس سال یوم دفاع پر 1965 کی جنگ کی گولڈن جوبلی کے حوالے سے خصوصی تقریبات کا انعقاد کیا جارہا ہے۔

Comments

comments

یہ بھی پڑھیں