کراچی: جون میں کے ایم سی کے زیرانتظام قبرستانوں میں تدفین کے اعداد و شمار جاری کردیے گئے، زیادہ تر تدفین گرمی کے شکار افراد کی ہوئی۔
کے ایم سی حکام کے مطابق کے ایم سی کے قبرستانوں میں جون میں زیادہ تر تدفین گرمی کے شکار افراد کی ہوئی، جون میں زیادہ تر اموات ہیٹ ویو سے ہوئیں، جون کے پہلے ہفتے میں 430 افراد مختلف قبرستانوں میں مدفون کیے گئے۔
محکمہ اموات و قبرستان نے بتایا کہ پہلے ہفتے میں سب سے زیادہ 92 افراد کی تدفین نارتھ کراچی کے محمد شاہ قبرستان میں ہوئی۔
- Advertisement -
جون کے دوسرے ہفتے میں اموات مزید بڑھ کر459 پر پہنچ گئیں، دوسرے ہفتے میں بھی سب سے زیادہ 103 افراد کی تدفین محمد شاہ قبرستان میں ہی ہوئی۔
کے ایم سی ریکارڈ کے مطابق جون کے تیسرے ہفتے میں 420 افراد کی تدفین کی گئی، جون کے چوتھے ہفتے میں اب تک 341 افراد کی اموات ہوئیں۔
