The news is by your side.

Advertisement

پی آئی اے کے سی ای او کے بیرونِ ملک سفر پر پابندی

لاہور : پاکستان انٹرنیشنل ایئر لائن کے سی ای او کا نام ای سی ایل میں ڈال کر ان کے بیرون ملک سفر پر پابندی عائد کر دی گئی ہے۔

تفصیلات کے مطابق وزارتِ داخلہ کی جانب سے پی آئی اے کے سی ای او کا نام ای سی ایل میں دال کر بیرون ملک سفر کرنے پر پابندی عائد کردی ہے ان کے خلاف ایف آئی اے انکوائری کی جا رہی ہے۔

ذرائع کے مطابق ڈپٹی ڈائریکٹر ایف آئی اے ایڈمن لاہور خواجہ حماد الرحمان کے دستخط سے جاری حکم نامہ ملک بھر کے ایئر پورٹس کو بھیج دیا گیا ہے جس میں سی ای او کے بیرون ملک سفر پر جانے کی پابندی سے آگاہ کیا گیا ہے۔

خیال رہے ایف آئی اے قومی ایئر لائن کے لیے مہنگے داموں طیارے خریدنے کی انکوائری کررہی ہے اور تفتیش کو شفاف اور حتمی انجام تک پہنچانے کے لیے جرمن سی ای او کا نام ای سی ایل میں ڈالنے کا فیصلہ کیا گی۔

ای سی ایل میں نام آنے کے بعد پی آئی اے کے جرمن سی ای او برینڈ ہیلڈن طیاروں کی خریداری سے متعلق ہونے والی انکوائری مکمل ہونے تک بیرونِ ملک سفر نہیں کر سکیں گے۔

واضح رہے جرمنی سے تعلق رکھنے والے برینڈ ہیلڈن 42 سال کا تجربہ رکھتے ہیں اور پی آئی اے سے قبل ایک بین الاقوامی نجی ادارے میں اسی عہدے پر کام کر رہے تھے۔

Print Friendly, PDF & Email

Comments

comments

یہ بھی پڑھیں