site
stats
پاکستان

دہشت گردوں کا صفایا کردیا، سہولت کاروں کا خاتمہ باقی ہے، چوہدری نثار

مردان : وفاقی وزیر داخلہ چوہدری نثار علی خان نے کہا ہے کہ مردان کچہری حملے سے متعلق صوبائی حکومت کو دو بارانٹیلی جنس رپورٹ دی۔ دہشت گرد ملک میں مایوسی پھیلانا چاہتے ہیں۔ فورسز کے اہلکاروں نے جانیں دے کر حملے ناکام بنائے۔

ان خیالات کا اظہارانہوں نے مردان میں دھماکے کے زخمیوں کی اسپتال میں عیادت کے موقع پر میڈیا سے گفتگو کرتے ہوئے کیا۔

وزیر داخلہ چوہدری نثار نے اس بار کسی کو شکایت کا موقع نہ دیا۔ مردان حملے کے دوسرے ہی روز زخمیوں کی عیادت کیلیے پہنچ گئے۔

میڈیا سے گفتگو میں ان کا کہنا تھا کہ دہشت گردوں کوشکست ہوچکی ان کا مکمل خاتمہ کر رہے ہیں۔ ورسک میں مارے گئے دہشت گرد غیرملکی تھے، دہشت گردوں کا صفایا کردیا، سہولت کاروں کا خاتمہ کرنا باقی ہے، دہشت گردی کے خلاف نفسیاتی جنگ جیتنے کی ضرورت ہے۔

چوہدری نثار نے کہا کہ واقعات سے متعلق انٹیلی جنس رپورٹ موجود تھی ایک نہیں دو بار صوبائی حکومت کو آگاہ کیا گیا وزیر داخلہ نے کہا کہ دہشت گرد سرحد پار سے آکر کارروائی کرتے ہیں اور پھر واپس چلے جاتے ہیں جہاں افغان حکومت ان کے خلاف کچھ نہیں کرسکتی۔

چوہدری نثار کو کمشنر ہاؤس مردان میں حملے کی تحقیقات کے حوالے سے بریفنگ بھی دی گئی۔ وزیرداخلہ چودھری نثار نے کہا کہ پوری قوم کو بہادری اور عزم سے دہشت گردی کا مقابلہ کرنا ہے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top