The news is by your side.

Advertisement

چوہدری نثار نے شناختی کارڈز کی تصدیق کےنظام کی منظوری دیدی

اسلام آباد : وفاقی وزیرداخلہ چوہدری نثار نے شناختی کارڈز کی دوبارہ تصدیق کےنظام کی منظوری دے دی ہے، کروڑں پاکستانیوں کےقومی شناختی کارڈزکی دوبارہ جانچ پڑتال کی جائے گی۔

تفصیلات کے مطابق وزارت داخلہ کی جانب سے جاری کردہ بیان میں کہا گیا ہے کہ وزیر داخلہ نے چوہدری نثار نےچیئرمین نادرا کی بریفنگ کے بعد روڈ میپ کی منظوری دے دی ہے اور ابتدائی طور پر جعلی شناختی کارڈ رکھنے والے اضلاع میں تصدیق کی جائے گی۔

وزارت داخلہ کا کہنا ہے کہ نادرا پی ٹی اے کا بائیومیٹرک سمز ویری فیکشن ڈیٹا استعمال کرے گا،یہ بائیومیٹرک سمزڈیٹا 13کروڑموبائل فون سمزاستعمال کرنیوالوں کا ہے۔

جعلی شناختی کارڈ کے حوالے سے نادرا گھرانے کےسربراہ کو اس کے خاندان کے افراد کے کوائف ایس ایم ایس کے ذریعے ارسال کرے گا۔

خاندان کا سرابراہ دیئے گئے آپشنز کو استعمال کرتےہوئے تصدیق کرے گا کہ متعلقہ افراد اس کے خاندان کاحصہ ہیں، یا کوئی اجنبی بھی اس کے نادرا ریکارڈ میں موجود ہے۔

وزیر داخلہ کے مطابق روزانہ دس ہزارکالز اور تین لاکھ ایس ایم ایس کئے جائیں گے، عوام کی سہولت کیلئےجلد ہی ایک ہیلپ لائن کا قیام بھی عمل میں لایا جائے گا۔

اس حوالے سے خصوصی ٹیلی سینٹرز بھی قائم کیےجائیں گے، جہاں شہری مشکوک شناختی کارڈ کے حامل افراد سے متعلق اطلاعات دے سکیں گے۔

 

Comments

comments

یہ بھی پڑھیں