لاہور : گورنر پنجاب چوہدری محمد سرور نے کہا ہے کہ لاہور لندن اور پیرس سے بھی زیادہ محفوظ شہر بن گیا ہے، ایم این اے، ایم پی اے کوئی کام کہتے ہیں تو ہم سمجھتے ہیں وہ جائز ہیں۔
ان خیالات کا اظہار انہوں نے لاہور پریس کلب میں میڈیا سے گفتگو کرتے ہوئے کیا، گورنر پنجاب نے کہا کہ شہر کا موسم بہت اچھا ہے، بنگلادیش کی کرکٹ ٹیم اور وزیراعظم عمران خان بھی لاہور میں موجود ہیں،لاہور ایکٹیوٹی کا گڑھ بن گیا ہے، یہ شہر اب لندن اور پیرس سے بھی زیادہ محفوظ شہر بن گیا ہے۔
ایک سوال کے جواب میں چوہدری محمد سرور نے کہا کہ مجھ سے کوئی ناراض نہیں ہے اگر ہو بھی جائے تو اگلے دن اسے منا لیتا ہوں، ہم ممبر پارلیمنٹ کی جائز شکایات دور کریں گے، چیف سیکرٹری نے بھی یقین دہانی کرائی ہے، ایم این اے، ایم پی اے کوئی کام کہتے ہیں تو ہم سمجھتے ہیں وہ جائز ہیں۔
