لاہور : مسلم لیگ ق (قائد اعظم) کے سربراہ چوہدری شجاعت حسین نے پی ٹی آئی کے صدر اور سابق وزیر اعلیٰ پنجاب پرویز الہٰی سے خصوصی ملاقات کی۔
اس حوالے سے ذرائع کا کہنا ہے کہ چوہدری شجاعت حسین اور پرویز الہٰی کی ملاقات کیمپ جیل میں ہوئی جس میں چوہدری شجاعت حسین کے صاحبزادے سالک حسین بھی موجود تھے۔
ذرائع کے مطابق ملاقات میں موجودہ سیاسی حالات سے متعلق بھی گفتگو کی گئی، کیمپ جیل میں ملاقات تقریباً ایک گھنٹہ جاری رہی۔
چوہدری شجاعت حسین اور ان کے بیٹوں نے سابق وزیراعلیٰ پنجاب اور پاکستان تحریک انصاف کے صدر پرویز الہٰی سے ملاقات میں ان کا حال احوال دریافت کیا۔
ذرائع نے دعویٰ کیا ہے کہ پرویز الہٰی کا جلد مسلم لیگ (ق) میں واپسی کا امکان ہے۔ یاد رہے کہ چوہدری پرویز الہیٰ کے خلاف پنجاب اسمبلی میں غیرقانونی بھرتیوں کا کیس چل رہا ہے اور اسی کیس میں وہ گرفتار ہیں۔
دوسری جانب چوہدری پرویزالٰہی کے صاحبزادے مونس الٰہی نے اس ملاقات کے حوالے سے اپنے رد عمل میں کہا ہے کہ میرے والد کو ان کے وکیلوں سے نہیں ملنے دیا جارہا، میری والدہ کو بھی ملاقات کی اجازت نہیں مل رہی ہے۔
میرے والد کو ان کے وکیلوں سے نہیں ملنے دیا جا رہا۔ میری والدہ کو بھی ملاقات کی اجازت نہیں مل رہی ہے۔ آج (IG Prisons) آئی جی پریزن خود چوہدری شجاعت صاحب اور ان کے بیٹے @ChSalikHussain کو لے کر ملوانے گئے ہیں۔ اب یہ ہمیں جواب دیں گے کہ اس ہفتے کی ملاقات خاندان والوں کی ہم نے کروا…
— Moonis Elahi (@MoonisElahi6) June 19, 2023
انہوں نے بتایا کہ آج آئی جی جیل خانہ جات بذات خود چوہدری شجاعت حسین اور ان کے بیٹے چودھری سالک حسین کو لے کر ملوانے گئے ہیں۔ اب یہ ہمیں جواب دیں گے کہ اس ہفتے کی خاندان والوں کی ملاقات ہم نے کروا دی ہے۔
