اسلام آباد : پاکستان مسلم لیگ ق کے سربراہ چوہدری شجاعت حسین نے ملک کی موجودہ سیاسی صورتحال پر تشویش ک ااظہار کیا ہے ان کا کہنا ہے کہ اپنی اپنے پچاس سالہ سیاسی سفر میں اتنے پیچیدہ حالات کبھی نہیں دیکھے۔
اسلام آباد میں پاکستان مسلم لیگ ق کی مرکزی و صوبائی جنرل کونسل کے مشترکہ اجلاس سے خطاب کرتے ہوئے انہوں نے کہا کہ سیاستدان جلتی آگ پر پانی ڈالیں، ملک جلاؤ، گھیراوٴ کا متحمل نہیں ہوسکتا۔
چوہدری شجاعت حسین ن ےمشورہ دیا کہ حکومت نیشنل ڈائیلاگ شروع کرے،ناراض قومی رہنماؤں کے پاس جانے کیلئےتیار ہوں، ہنگاموں اور دھرنوں کی سیاست سے قوم پریشان ہے ڈپریشن اور مایوسی بڑھ رہی ہے، مسائل کا حل صرف سیاستدانوں کے پاس ہے، تمام قوتیں مل کرملک کا سوچیں۔
اجلاس میں چوہدری سرور کو صدر ق لیگ پنجاب اور چوہدری شافع حسین جنرل سیکرٹری منتخب کرلیا گیا، چوہدری سرور پارٹی کے مرکزی چیف آرگنائزر بھی ہوں گے جبکہ چوہدری سالک مرکزی سینئرنائب صدر اور مصطفی ملک مرکزی سیکرٹری اطلاعات منتخب کیے گئے۔
