site
stats
پاکستان

نوازشریف پراللہ کا عذاب نازل ہوا، چوہدری شجاعت حسین

لاہور : پاکستان مسلم لیگ ق کے مرکزی رہنما چوہدری شجاعت حسین نے کہا ہے کہ نوازشریف پر اللہ کا عذاب نازل ہوا ہے، ہمیں جے آئی ٹی ممبران اور سپریم کورٹ کے جج صاحبان پر فخر ہے، خرم نواز گنڈا پور نے کہا کہ شہباز شریف کے ہاتھ ماڈل ٹاؤن کے شہیدوں کے خون سے رنگے ہوئے ہیں۔

ان خیالات کا اظہار انہوں نے لاہور میں میڈیا سے گفتگو کرتے ہوئے کیا، چوہدری شجاعت حسین نے کہا کہ نواز شریف اپنے کرتوتوں کی وجہ سے اس مقام پر پہنچے ہیں، انہیں سانحہ ماڈل ٹاؤن لے ڈوبا ہے۔

چوہدری شجاعت نے کہا کہ ہم نے فیصلہ کیا ہے کہ تمام مسلم لیگیوں کے پاس جائیں گے اور مسلم لیگی جس پارٹی میں بھی ہیں ان سے رابطہ کریں گے اور ان کو ایک پلیٹ فارم پر لائیں گے۔

اس موقع پر نوازشریف کی نااہلی پر پاکستان عوامی تحریک کے رہنما خرم نواز گنڈا پور نے کہا کہ ہم ماڈل ٹاؤن شہداء کے خون کا حساب لیں گے۔ آج کا دن تاریخی ہے، سانحہ ماڈل ٹاؤن کے لواحقین کو انصاف کی فراہمی تک جدوجہد جاری رہے گی۔

نئے وزیر اعظم کی تقرری کے حوالے سے انہوں نے کہا کہ شہباز شریف جو اب وزیراعظم بننے کا خواب دیکھ رہے ہیں وہ ماڈل ٹاؤن کی ایف آئی آر میں نامزد ہیں، ملک کے ساتھ ایک اور مذاق ہونے جارہا ہے۔

قتل کی ایف آئی آر میں نامزد شخص کو وزیر اعظم بنانے کی باتیں کی جارہی ہیں، انہوں نے کہا کہ شہباز شریف کے ہاتھ ماڈل ٹاؤن کے شہیدوں کے خون سے رنگے ہوئے ہیں۔

میڈیا بریفنگ کے دوران پی ایف یو جے کے وفد نے سپریم کورٹ کے فیصلے کا خیر مقدم کرتے ہوئے کہا کہ سیاسی جماعتوں کو جمہوریت کا تسلسل برقرار رکھنا چاہیئے، اگر جمہوریت کو ڈی ریل کرنے کی سازش کی گئی تو صحافی اس کے سامنے سیسہ پلائی دیوار بنیں گے۔ وفد نے کہا کہ احتساب کے عمل کو صحافیوں تک پھیلایا جائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top