The news is by your side.

Advertisement

پی ٹی آئی سے ناراض چھینہ گروپ کا پرویزالٰہی کی حمایت کا اعلان

حکومتی اتحاد کی جانب سے وزیر اعلیٰ کے نامزد امیدوار پرویز الٰہی سے چھینہ گروپ نے ملاقات کرکے حمایت کا اعلان کردیا

پنجاب میں حکومت سازی کیلیے حکومتی اتحاد کیلیے بڑا بریک تھرو ہوا ہے اور چھینہ گروپ نے وزیراعلیٰ پنجاب کیلیے حکومت کے نامزد امیدوار چوہدری پرویز الہٰی کی حمایت کا اعلان کردیا ہے۔

جمعے کے روز وزارت اعلیٰ کیلیے حکومتی امیدوار چوہدری پرویز الہٰی سے چھینہ گروپ کے 14 اراکین پنجاب اسمبلی نے ملاقات کی اور وزارت اعلیٰ کیلیے چوہدری پرویز الہٰی کی حمایت کا اعلان کیا۔

چوہدری پرویز الہٰی سے ملاقات کرنے والوں میں غضنفرعباس، چھینہ عامر، عنایت شاہانی، علی رضا خاکوانی اعجاز سلطان بندیشہ، محمد احسن، گلریز افضل، خواجہ داؤد، سردارمحی الدین کھوسہ، کرنل غضنفرعباس شاہ، تیمورعلی لالی، سردار شہاب الدین، فیصل فاروق، اعجاز خان، غلام علی، اصغر خان بھی شامل تھے۔

اس موقع پر خواجہ داؤد سلیمانی اور غضنفر عباس چھینہ نے کہا کہ ہمارے معاملات طے پاگئے ہیں اور ہم نے پرویز الہٰی کا ساتھ دیتے ہوئے ان کی حمایت کا فیصلہ کیا ہے۔ انہوں نے ترین اور علیم گروپ کو بھی مشورہ دیا کہ دونوں کو بھی پارٹی فیصلے کیساتھ کھڑے ہونا چاہیے۔

واضح رہے کہ چوہدری پرویز الہٰی نے گزشتہ روز بھی چھینہ گروپ سے حمایت کیلیے ملاقات کی تھی۔

اس ملاقات کے دوران چھینہ گروپ نے حتمی فیصلے کیلیے 24 گھنٹے کا وقت مانگا تھا اور آج گروپ نے خود پرویز الہٰی سے ملاقات کرکے ان کی حمایت کا اعلان کردیا۔

Comments

یہ بھی پڑھیں