پیر, فروری 17, 2025
اشتہار

’بجلی چوری پر ہاتھ کاٹنے کا قانون بنایا جائے‘

اشتہار

حیرت انگیز

لاہور: چیئرمین آل پاکستان تاجران نعیم میر نے بجلی چوری کرنے والوں کیلیے حکومت کو سخت سزائیں تجویز کر دیں۔

نعیم میر نے اپنے ایک بیان میں کہا کہ بجلی کی چوری کو فوری طور پر روکا جائے، سب سے زیادہ چوری خیبر پختونخوا اور بلوچستان میں ہوتی ہے جہاں لوگ بل نہیں دیتے۔

انہوں نے کہا کہ ہم مطالبہ کرتے ہیں کہ بجلی چوروں کے خلاف ضرب عضب طرز کا آپریشن کیا جائے ورنہ یہ ملک ٹھیک نہیں ہو سکتا اور ایسے تو عام آدمی کو ریلیف نہیں مل سکتا۔

نعیم میر نے تجویز دی کہ زیادہ بجلی صنعت کار چوری کرتا ہے پھر کمرشل مارکیٹوں میں بجلی چوری ہوتی ہے، جو تاجر اور صنعتکار بجلی چوری میں پکڑا جائے اسے چوراہوں پر کھڑا کر کے کوڑے مارے جائیں، قانون بنائیں بجلی چور کا میٹر نہ کاٹیں بلکہ اس کا ہاتھ کاٹیں۔

ان کا کہنا تھا کہ ہمیں معلوم ہونا چاہیے ایوان صدر میں کتنا بل آیا اور ادا کیا گیا یا نہیں، معلوم ہونا چاہیے وزیر اعظم ہاؤس اور پارلیمنٹ کتنی بجلی استعمال کر رہے ہیں۔

چیئرمین آل پاکستان تاجران نے کہا کہ ہم ہڑتال یا احتجاج کریں گے تو کیا مہنگائی ختم ہو جائے گی؟ نگراں وزیر اعظم انوار الحق کاکڑ کہہ رہے ہیں کہ بلوں کی اقساط کر دیں، بجلی کے بل کی اقساط تو تب ہوں گی جب ہمارے پاس پیسے ہوں گے۔

انہوں نے کہا کہ ہم نے فیصلہ کیا ہے کہ یکم ستمبر سے مسلسل احتجاجی مہم شروع کر رہے ہیں، اس مہم کا آغاز لاہور پریس کلب سے 4 بجے شروع کریں گے جہاں احتجاجی کیمپ لگائیں گے جو مسلسل لگا رہے گا، ہر ہفتے کو لاہور کی ایک مارکیٹ وہاں جا کر احتجاج کرے گی۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں