چیئرمین اے آر وائی نیٹ ورک محمد اقبال نے کہا ہے کہ قوم کو کبھی بھی نا امید نہیں ہونا چاہیے اور جو ملک ہمارے پاس ہے اس کی قدر کرنی چاہیے۔
اے آر وائی نیوز کی 24 ویں سالگرہ پر چیئرمین اے آر وائی نیٹ ورک محمد اقبال نے مارننگ شو میں خصوصی گفتگو کرتے ہوئے کہا کہ سیاست اپنی جگہ چلتی رہے گی لیکن ملک کیلیے قوم کو متحد رہنا ہے۔ قوم بحران میں کھڑی ہوتی ہے اور اسے متحد رہنے کی ضرورت ہے۔ سب سے کہتا ہوں آؤ مل کر پاکستان بنائیں۔
انہوں نے کہا کہ اے آر وائی نیٹ ورک سے منسلک تمام چینلز اپنا کردار ادا کر رہے ہیں۔ یہ نیٹ ورک عوام کی بہتری کیلیے کام کرتا رہے گا۔ عوام کا شکریہ ادا کرتا ہوں
جنہوں نے ہمیشہ اے آر وائی نیٹ ورک کو سپورٹ کیا۔ اس کی کامیابی کا سہرا مرحوم حاجی عبدالرزاق اور ٹیم کو جاتا ہے۔ اللہ ہمیشہ کام کرنے والوں سے راضی ہوتا ہے۔
ہمارا ایجنڈا واضح ہے کہ پاکستان کی بہتری کے سوا کوئی کام نہیں کرنا، سلمان اقبال
