اسلام آباد: وزیراعظم عمران خان سے چیئرمین سی پیک اتھارٹی لیفٹیننٹ جنرل(ر) عاصم سلیم باجوہ نے اہم ملاقات کی ہے۔
تفصیلات کے مطابق وفاقی دارالحکومت اسلام آباد میں وزیراعظم عمران خان سے چیئرمین سی پیک اتھارٹی لیفٹیننٹ جنرل(ر) عاصم سلیم باجوہ نے ملاقات کی۔ چیئرمین سی پیک نے سی پیک منصوبے میں پیشرفت پر وزیراعظم کو بریفنگ دی۔
خیال رہے کہ گزشتہ ہفتے وزیراعظم عمران خان کا اجلاس کے دوران کہنا تھا کہ سی پیک کے تحت جاری منصوبوں کو جلد مکمل کیا جائے، مستقبل کے منصوبوں سے متعلق مشاورتی عمل کو تیز کریں۔
سی پیک کے تحت جاری منصوبوں کو جلد مکمل کیا جائے،وزیراعظم
وزیراعظم کا کہنا تھا کہ چین نے مشکل حالات میں پاکستان کی مدد کی ہے، سی پیک منصوبہ پاک چین مضبوط تعلقات کا مظہر ہے، منصوبے سے غربت کے خاتمے میں مدد ملے گی۔
انہوں نے سی پیک اتھارٹی کو دوسرے مرحلے کے منصوبوں پرعمل تیز کرنے کی ہدایت کرتے ہوئے کہا تھا کہ سماجی ومعاشی ترقی کے منصوبوں کو ترجیحی بنیادوں پرحتمی شکل دیں، منصوبوں کی بروقت تکمیل پر زور دیا جائے۔
