اسلام آباد: چیئرمین ایف بی آر شبر زیدی نے کہا ہے کہ ریفنڈ کلیمز میں انسانی مداخلت مکمل ختم کردی، ریفنڈ کے معاملات میں کسی کو گڑبڑ کرنے کا موقع نہیں مل سکتا۔
تفصیلات کے مطابق چیئرمین ایف بی آر شبر زیدی نے کہا کہ ریفنڈ کی صورت حال بہتر ہوئی ہے، برآمدات کے ریفنڈ میں کسی کا ہاتھ نہیں رہا، خود کارنظام کے تحت ریفنڈ کے 25 ارب کے کلیمز5 ماہ میں آئے۔
شبر زید ی نے کہا کہ متعدد ریفنڈ کلیئرہوگئے ہیں جو خود کار طریقے سے ہوئے، مجموعی 1800 میں سے 1604 کلیمز کلیئر ہوگئے ہیں۔ انہوں نے کہا کہ فارم ایچ کمپیوٹرسے فائل ہوتا ہے اور خود کار نظام سے آگے جاتا ہے۔
چیئرمین ایف بی آر نے کہا کہ ٹیکسٹائل شعبے کے 5 ارب کے کلیمز 72 گھنٹے میں کلیئر کیے، ٹرانسفر پوسٹنگ کے مسائل پر بھی توجہ دی گئی ہے۔ انہوں نے کہا کہ تمام امور کو آٹومیشن کی طرف لے کر گئے ہیں۔
فیڈرل بورڈ آف ریونیو کے سربراہ شبر زیدی نے کہا کہ ریفنڈ کلیمز میں انسانی مداخلت مکمل ختم کردی، ریفنڈ کے معاملات میں کسی کو گڑبڑ کرنے کا موقع نہیں مل سکتا۔
شبر زیدی کی ایک بار پھر انکم ٹیکس گوشوارے جمع کروانے کی تاکید
اس سے قبل چیئرمین شبر زیدی نے سماجی رابطے کی ویب سائٹ ٹویٹر پر اپنے ٹویٹ میں کہا تھا کہ ایف بی آر دفاتر یقینی بنائیں گیس و بجلی کے تمام صنعتی اور کمرشل صارفین رجسٹر ہوں۔
