اسلام آباد : چیئرمین جوائنٹ چیفس آف اسٹاف کمیٹی نے بھی الوداعی دورے شروع کردیئے، جنرل راشد محمود نے بحریہ اور فضائیہ کے سرابرہوں سے ملاقاتیں کیں۔
چیئرمین جوائنٹ چیفس آف اسٹاف کمیٹی ریٹارمنٹ سے قبل الوداعی دوروں پر ہیں، جنرل راشد محمود نے بحریہ اور فضائیہ کے سرابرہوں سے ملاقاتیں کیں۔
جنرل راشد محمود الوداعی دورے پر نیول ہیڈکوراٹر پہنچے، نیول چیف نے معزز مہمان کوخوش آمدید کہا، پاک بحریہ کےچاک و چوبند دستے نے افواج پاکستان کے سربراہ کو سلامی دی، نیول چیف نے چیئرمین جوائنٹ چیفس آف سٹاف کمیٹی کو شاندار خدمات پرخراجِ تحسین پیش کیا، جنرل راشد محمود نے پاک بحریہ کے لیے نیک تمناؤں کا اظہار کیا۔
پاک فضائیہ کے ہیڈکوارٹر کے دورے میں چیئرمین جوائنٹ چیفس آف سٹاف کمیٹی کا پرتپاک استقبال کیا گیا، جنرل راشد نے ضرب عضب میں فضائیہ کے کارکردگی کو سراہتے ہوئے کہا کہ آپریشن کی کامیابی میں فضائیہ کا اہم کردارہے ۔
فضائیہ کےسربراہ ائیرمارشل سہیل امان نےدفاع اورمسلح افواج کیلئے شاندارخدمات دینے پرجنرل راشد محمود کی خدمات کو سراہا۔
واضح رہے کہ تین برس تک پاکستانی کی تینوں مسلح افواج کی سربراہی کرنےوالے جنرل راشد اٹھائیس نومبر کو اپنے عہدے سے سبکدوش ہو رہے ہیں۔
