کم جونگ اپنے وعدے کے سچے ہیں، ڈونلڈ ٹرمپ
The news is by your side.

Advertisement

کم جونگ اپنے وعدے کے سچے ہیں، ڈونلڈ ٹرمپ

واشنگٹن : ڈونلڈ ٹرمپ نے کوریائی جنگ میں ہلاک ہونے والے امریکی فوجیوں کی باقیات لوٹانے پر شمالی کوریا کے صدر کا شکریہ ادا کرتے ہوئے کہا ہے کہ ’کم جونگ آن اپنے وعدے کے سچے نکلے جنہوں نے برسوں قبل گم ہونے والے امریکی فوجیوں کو ان کے پیاروں سے ملا دیا‘۔

تفصیلات کے مطابق شمالی کوریا نے امریکا سے تعلقات میں بہتری کے بعد برسوں قبل کوریا کی جنگ میں ہلاک ہونے والے امریکی فوجیوں کی باقیات امریکا کے سپرد کرنا شروع کردی، امریکی حکومت کی جانب سے اپنے فوجیوں کو لانے کے لیے خصوصی طیارہ بھی بھیجا گیا تھا۔

امریکی صدر ڈونلڈ ٹرمپ نے سماجی رابطے کی ویب سایٹ ٹویٹر پر شمالی کوریا کے سربراہ کم جونگ آن کا شکریہ ادا کیا ہے۔

ڈونلڈ ٹرمپ نے ٹویٹر پر اپنے پیغام میں کہا ہے کہ کم جونگ اپنے وعدے کے سچے ہیں، جنہوں نے برسوں قبل گم ہونے والے امریکی فوجیوں کو واپس اپنے پیاروں تک پہنچایا ہے۔ تاہم مجھے کم جونگ آن کے اقدام پر حیرانگی نہیں ہے۔ میں بہت جلد ان سے دوبارہ ملاقات کروں گا۔

وائٹ ہاوس کی جانب سے کوریا سے واپس لائی جانے والی امریکی فوجیوں کی باقیات وصول کرنے کی تصدیق کردی گئی ہے۔ امریکی فوجیوں کے حوالے کی جانے والی باقیات 55 تابوتوں میں رکھی ہوئی تھیں جنہیں اقوام متحدہ کے پرچم میں لپیٹا ہوا تھا۔

غیر ملکی خبر رساں اداروں کا کہنا تھا کہ عشروں قبل کوریائی جنگ میں ہلاک ہونے والے امریکی فوجیوں کو کوریا اور امریکا کے خصوصی دستوں نے سلامی بھی پیش کی تھی۔

یاد رہے کہ شمالی کوریا کے صدر کم جونگ آن نے ایک ماہ قبل ڈونلڈ ٹرمپ سئے سنگا پور میں ہونے والی ملاقات میں امریکی فوجیوں کی باقیات لوٹانے کا وعدہ کیا تھا۔

خیال رہے کہ سنہ 1950 سے 1953 تک جزیزہ نما کوریا پر جاری رہنے والی جنگ میں 7 ہزار سے زائد امریکی فوجی اپنے دستوں سے لاپتہ ہوئے تھے، جن کا بعد میں کچھ پتہ نہیں چلا۔

امریکی فوجی حکام کا خیال ہے کہ کوریا کی جنگ میں ہلاک ہونے والے لاکھوں افراد میں 3 ہزار سے زائد امریکی فوجی بھی شامل تھے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں