ملتان : نیب کے چیئرمین قمرالزمان نے کہا ہے کہ ان کے ادارے نےقوم کی لوٹی رقم واپس دلوانے کا تہیہ کررکھا ہے۔ ترجمان نیب کہتےہیں وزیر اعظم کی رائے کا احترام کرتے ہیں۔
احتسابی عمل مزید بہتربنائیں گے۔ نیب کے چیئرمین قمرالزمان کہا کہ ادارے نےملک سےکرپشن ختم کرنے کا تہیہ کررکھا ہے۔
نیب کوبنانےکامقصدعوام کی لوٹی رقم واپس لانا ہے۔ ملتان میں نیب آفس میں بات کرتے ہوئے چیئرمین قمرالزمان نےکہا کہ نیب ملتان نے اکیس ملین کی لوٹی ہوئی رقم واپس دلوائی.
ادھرنیب کے ترجمان نے وزیراعظم کے بیان کاجواب دےدیا ۔ ترجمان نیب نوازش علی عاصم کا کہنا ہے وزیر اعظم کی رائے کا احترام کرتے ہیں.
وزیراعظم کی تجاویزکی روشنی میں احتسابی عمل مزیدبہتربنایا جائےگا ، ترجمان نیب کا اپنے بیان میں کہنا تھانیب کو کچھ مسائل ورثے میں ملے ہیں۔بہتری کیلئے تیزی سےاقدامات کئےجارہے ہیں۔
واضح رہے کہ وزیر اعظم نواز شریف نے گزشتہ روز نیب کو وارننگ دی تھی کہ معصوم لوگوں کے خلاف کارروائیاں بند نہ کیں تو نیب کے خلاف کارروائی ہوسکتی ہے۔
