عمران خان نے کہا ہے کہ جلد بتاؤں گا کہ جوڈیشل کمپلیکس میں انہیں قتل کرنے کی سازش کیسے ہوئی اور اللہ تعالیٰ نے کیسے بچایا۔
پاکستان تحریک انصاف کے چیئرمین اور سابق وزیراعظم عمران خان نے جوڈیشل کمپلیکس میں اپنی پیشی کے موقع پر انہیں قتل کرنے کی سازش کے حوالے سے انکشاف کیا ہے۔
اے آر وائی نیوز کے مطابق پاکستان تحریک انصاف کے چیئرمین اور سابق وزیراعظم عمران خان نے سماجی رابطوں کی ویب سائٹ ٹوئٹر پر اپنے ٹویٹ میں لکھا ہے کہ جلد ہی بے نقاب کروں گا کہ میں موت کے جال میں کیسے پھنس گیا اور جوڈیشل کمپلیکس میں مجھے قتل کرنے کی سازش کیسے ہوئی؟
Shortly I will expose how I almost walked into a death trap & the plot to kill me in the Judicial Complex; and how Almighty Allah saved me in the nick of time.
— Imran Khan (@ImranKhanPTI) March 20, 2023
انہوں نے کہا کہ یہ بھی بتاؤں گا کس طرح اللہ تعالیٰ نے مجھے وقت آنے پر بچایا۔
عمران خان نے اپنے ایک اور ٹویٹ میں پی ٹی آئی کارکنوں کی گرفتاری کے لیے وفاقی دارالحکومت اسلام آباد اور لاہور میں پولیس آپریشن اور متعدد رہنما وکارکنان کی گرفتاریوں کے خلاف عدالتوں سمیت انسانی حقوق کی تنظیموں سے رجوع کرنے کا اعلان کیا۔
انہوں نے اپنے ٹویٹ میں لکھا ہے کہ ہمارے کارکنان کو مجرموں کی اس حکومت نے جیلوں میں ڈالا ہے۔ اس کے خلاف آج ہم عدالتوں سمیت انسانی حقوق کی تنظیموں سے بھی رجوع کریں گے۔
All our workers that have been jailed by this govt of criminals, today we will not only approach the courts but also int human right organisations. We will ask all PTI chapters abroad to approach their local elected reps & politicians to inform them of the fascism going on in Pak pic.twitter.com/yFgEREDpa8
— Imran Khan (@ImranKhanPTI) March 20, 2023
سابق وزیراعظم نے مزید کہا کہ بیرون ملک پی ٹی آئی چیپٹرز کو منتخب نمائندوں اور سیاستدانوں سے رابطہ کرنے کا کہہ رہے ہیں۔ منتخب نمائندے کو پاکستان میں جاری فاشزم سے آگاہ کریں گے۔
پی ٹی آئی چیئرمین نے مزید کہا کہ یہ شخص کارکنوں کو پرتشدد ہونے پر اکسانے کی کوشش کر رہا ہے اور بے نقاب ہو رہا ہے۔ کارکنان پُر امن طریقے سے اور آئین کی حدود میں رہ کر احتجاج کریں۔
This agency man trying to provoke our workers to get violent & is being exposed. I want to tell all PTI that no matter what the provocation, we must protest peacefully & within the bounds of the Constitution. Otherwise we will give these fascists reason for more violence. pic.twitter.com/BIrrgt4nfq
— Imran Khan (@ImranKhanPTI) March 20, 2023
