پاکستان تحریک انصاف کے چیئرمین اور قومی کرکٹ ٹیم کے سابق کپتان عمران خان نے ٹیم کو مبارکباد پیش کرتے ہوئے ان کی کارکردگی کو سراہا۔
کھاریاں میں حقیقی آزادی مارچ کے شرکا سے خطاب میں عمران خان نے پاکستان اور انگلینڈ کے درمیان ٹی ٹوئنٹی ورلڈ کپ 2022 کے فائنل میچ پر تبصرہ کیا۔
عمران خان نے کہا کہ فائنل میں میچ ہارنے پر قوم صدمے سے دوچار ہے، میں ٹیم کو یہی کہتا تھا کہ جیت مت دیکھو، بس جان مارو، ٹیم نے آخر تک جان ماری ہے۔
چیئرمین پی ٹی آئی نے کہا کہ میچ کے دوران شاہین آفریدی بدقسمتی سے انجرڈ ہوگئے تھے، ہمارے پاس دنیا کے بہترین فاسٹ بالرز ہیں۔
انہوں نے کہا کہ شاہین شاہ آفریدی بہت اچھے بالر ہیں، پاکستان کرکٹ ٹیم دنیا کی ٹاپ ٹیموں میں گنی جاتی ہے، دنیا میں سب سے بہترین فاسٹ بولنگ اٹیک ہمارے پاس ہے۔
Chairman PTI @ImranKhanPTI talks about Pakistan cricket team and T20 World Cup final. Chairman praised the team, especially our fast bowlers. pic.twitter.com/EON7xJKiUa
— PTI (@PTIofficial) November 13, 2022
