اسلام آباد : پولیس کا کہنا ہے کہ چیئرمین پی ٹی آئی کو لاہور سے اڈیالہ جیل منتقل کیا جائے گا، چیئرمین پی ٹی آئی کی ادویات اور کپڑوں کا بیگ بھی روانہ کردیا گیا ہے۔

تفصیلات کے مطابق پولیس ذرائع کی جانب سے کہا گیا ہے کہ چیئرمین پی ٹی آئی کو لاہور سے اڈیالہ جیل منتقل کیا جائے گا ، گرفتاری کےبعدادویات اورکپڑوں کابیگ بھی روانہ کیا گیا ہے۔

آئی جی جیل خانہ جات کا کہنا ہے کہ چیئرمین پی ٹی آئی کواڈیالہ منتقل کرنےکیلئےصوبائی حکومت نےکوئی اطلاع نہیں دی، جیسےہی کوئی اطلاع ملتی ہے، اس کے مطابق انتظامات کریں گے۔

دوسری جانب توشہ خانہ فوجداری کارروائی کیس میں چیئرمین پی ٹی آئی کی سزا کے وارنٹ جاری کردیئے گئے ہیں، عدالت کی جانب سےآئی جی اسلام آباد اور سپرنٹنڈ نٹ اڈیالہ جیل کو وارنٹ بھجوائے گئے۔

جس میں کہا ہے کہ چیئرمین پی ٹی آئی کو 3 سال قید،ایک لاکھ روپےجرمانےکی سزا سنائی گئی ہے، جرمانہ ادانہ کرنےکی صورت میں مجرم کومزید 6ماہ قیدکاٹناہوگی۔

وارنٹ میں کہا گیا ہے کہ آئی جی کوچیئرمین پی ٹی آئی کوگرفتارکرکےاڈیالہ جیل بھجوانےکااختیاردیاجاتاہے، سپرنٹنڈ نٹ اڈیالہ جیل کو اختیاردیاجاتاہےوہ مجرم کواڈیالہ جیل میں اپنی تحویل میں رکھیں۔