اسلام آباد : اسلام آباد ہائیکورٹ کے چیف جسٹس عامر فاروق پیر کو سائفر کیس میں چیئرمین پی ٹی آئی کی درخواست ضمانت پر سماعت کریں گے۔
تفصیلات کے مطابق اسلام آباد ہائیکورٹ نے سائفر کیس میں چیئرمین پی ٹی آئی کی درخواست ضمانت سماعت کے لئے مقرر کردی۔
رجسٹراراسلام آباد ہائیکورٹ نے آئندہ ہفتے کی کاز لسٹ جاری کر دی، جس کے مطابق چیئرمین پی ٹی آئی کی درخواست ضمانت پر سماعت پیر کو چیف جسٹس عامر فاروق کریں گے ۔
عدالت نےدلائل کے لئے ایف آئی اےکو نوٹس جاری کر رکھا ہے جبکہ آفیشل سیکرٹ ایکٹ عدالت نےچیئرمین پی ٹی آئی کی درخواست ضمانت مسترد کر دی تھی۔
دوسری جانب چیئرمین پی ٹی آئی کی اٹک جیل سے اڈیالہ جیل منتقلی کی درخواست پر فیصلہ محفوظ ہونے کے بعد کیس بھی دوبارہ سماعت کےلئے مقرر ہوگیا۔
چیف جسٹس عامر فاروق چیئرمین پی ٹی آئی کی اٹک جیل سے اڈیالہ جیل منتقلی کی درخواست پر دوبارہ سماعت 25 ستمبر کو کریں گے۔
عدالت نے کچھ روز قبل دلائل مکمل ہونے کے بعد فیصلہ محفوظ کیا تھا اور بعض قانونی نکات کی مزید وضاحت کیلئےعدالت کیس دوبارہ مقرر کرتی ہے۔
