چیئرمین سینیٹ صادق سنجرانی صدر کے انتخاب میں ووٹ نہیں ڈال سکیں گے کیونکہ صادق سنجرانی نے صوبائی اسمبلی کے ممبر کے طور پر ابھی تک حلف نہیں لیا۔
تفصیلات کے مطابق چیئرمین صادق سنجرانی نے صوبائی اسمبلی کے ممبر کے طور پر ابھی تک حلف نہیں لیا، حلف نہ لینے پر صادق سنجرانی بطور ممبر اسمبلی صدرکے انتخاب میں ووٹ نہیں ڈال سکیں گے۔
چیئرمین سینیٹ کی صوبائی اسمبلی کی نشست پر کامیابی کے نوٹی فکیشن جاری ہوچکے ، صدرکےانتخاب میں ووٹرز کی لئے اسمبلی ممبر کے طور پرحلف لینا ضروری ہے۔
صادق سنجرانی صوبائی اسمبلی کی نشست پر 16فروری کو کامیاب قرار پائے، آئینی ماہرین کا کہنا ہے کہ صادق سنجرانی 16فروری کے بعد سینیٹ کے ممبر نہیں رہے، 16فروری کے بعد ان کی سینیٹ میں سرگرمیاں غیر قانونی ہیں۔
ذرائع کا یہ بھی کہنا ہے کہ سینیٹ کی ذمہ داریاں ڈپٹی چیئرمین سینیٹ نبھا سکتے ہیں۔
