کراچی: سندھ کے 7 تعلیمی بورڈز کے چیئرمین کی تقرری کا نوٹیفکیشن جاری کردیا گیا، سکھر بورڈ کے چیئرمین کا آفرلیٹر روک دیا گیا۔
تفصیلات کے مطابق سکھربورڈ کے چیئرمین کا نوٹیفکیشن اور آفر لیٹر روک دیا گیا، سکھر بورڈ چیئرمین کی تعیناتی پر9 اپریل کو سماعت ہوگی، محمد مصباح تنیو کو بورڈ آف انٹرمیڈیٹ کراچی کا چیئرمین مقرر کیا گیا ہے۔
غلام حسین سہو میٹرک بورڈ کو کراچی کے چیئرمین مقرر کیا گیا، مشرف علی راجپوت کو سندھ بورڈ آف ٹیکنیکل ایجوکیشن کا چیئرمین تعینات کیا گیا ہے۔
ساتوں تعلیمی بورڈز میں مالی بے ضابطگی، نمبر دینے کے طریقہ کار کا اسپیشل آڈٹ کرانے کا حکم
پروفیسر ڈاکٹررفیق احمد حیدرآباد تعلیمی بورڈ کے چیئرمین تعینات کیے گئے ہیں، پروفیسر ڈاکٹر آصف علی میمن کو چیئرمین نوابشاہ تعلیمی بورڈ مقرر کیا گیا۔
اس کے علاوہ منصور راجپوت چیئرمین میرپورخاص تعلیمی بورڈ تعینات کیے گئے ہیں، خالد حسین مہر کو لاڑکانہ بورڈ کا چیئرمین مقرر کردیا گیا ہے جبکہ سکھر تعلیمی بورڈ کے لیے پروفیسر زاہد حسین چنڑ کا آفر لیٹر روک دیا گیا ہے۔
طلبا کے لئے اہم خبر ! پاکستان میں ایک اور برطانوی تعلیمی بورڈ کا باقاعدہ آغاز
