کوئٹہ: چیئرمین پاک چین اقتصادی راہداری (سی پیک) اتھارٹی کے چیئرمین لیفٹیننٹ جنرل ریٹائرڈ عاصم سلیم باجوہ نے کہا ہے کہ گوادر شہر اور بندرگاہ کی تعمیر پر رات دن جاری ہے جس سے خوش حالی آئے گی اور ماضی کی غلطیوں کو سدھارا جائے گا۔
سماجی رابطے کی ویب سائٹ پر اپنے ٹویٹ میں چیئرمین سی پیک اتھارٹی کا کہنا تھا کہ ’وفاق اور بلوچستان حکومت صوبے میں ترقیاتی کاموں میں مصروف ہیں، جنوبی بلوچستان کی ترقی اور خوش حالی کے لیے حکومتیں پرعزم ہیں‘۔
اُن کا کہنا تھا کہ ’بلوچستان اور سی پیک کے حوالے سے ہونے والے ترقیاتی کام پورے خطے کی ترقی اور خوش حالی کا باعث ہوں گے، ان منصوبوں کی تکمیل کے بعد خوش حالی آئے گی‘۔
عاصم سلیم باجوہ نے لکھا کہ ’ماضی کی غلطیوں کو سدھارجائے گا اور مسائل حل ہوں گے‘۔
As #Gwadar City & Port is coming up fast, an unprecedented level of seriousness by the Govts in Isd&Quetta,for uplifting South Balochistan. It will transform the region,bring prosperity for the locals & address all past shortcomings in multiple sectors. #cpec #CPECMakingProgress pic.twitter.com/QLbkwjqFnk
— Asim Saleem Bajwa (@AsimSBajwa) September 16, 2020
یاد رہے کہ 27 اگست کو چیئرمین سی پیک اتھارٹی لیفٹیننٹ جنرل ریٹائرڈ عاصم سلیم باجوہ نے پاک چین اقتصادی راہداری کے مختلف شعبوں میں 11 سو سے زائد اسامیوں کا اعلان اور اپلائی کے طریقہ کار کا اعلان کیا تھا۔
مزید پڑھیں: مختلف شعبوں 1100 سے زائد ملازمتیں :عاصم سلیم باجوہ نے اپلائی کرنے کے طریقہ کار کا اعلان کردیا
سماجی رابطے کی ویب سائٹ ٹوئٹر پر مختلف شعبوں میں اپلائی کےطریقہ کارکااعلان کرتے ہوئے سی پیک اتھارٹی کے چیئرمین نے کہا تھربلاک ون کیلئے 11 سو سے زائد روزگار کے مواقع فراہم کردیے گئے ہیں۔
عاصم سلیم باجوہ کا کہنا تھا کہ شنگھائی الیکٹرک کےتحت مختلف شعبوں میں روزگارکےمواقع فراہم کیے جائیں گے، ملازمتوں میں مقامی افرادکوترجیحی بنیادوں پر مواقع فراہم کیے جائیں گے۔
