چکوال: پنجاب کے شہر چکوال میں قید میں رکھے گئے بہن، بھائی میں سے بہن کو بے دردی سے قتل کر دیا گیا۔
تفصیلات کے مطابق چکوال میں دو بہن بھائیوں کو قید کیا گیا تھا، جن میں سے بہن کو قتل کر دیا گیا، پولیس کا کہنا ہے کہ جائیداد پر قبضہ کرنے کے لیے چچا زاد بھائیوں نے دونوں کو قید رکھا تھا۔
پولیس حکام کے مطابق اہلکاروں نے گھر پر چھاپا مارا تو ایک کمرے سے لڑکی کی لاش ملی، 26 سالہ لڑکی کی لاش 8 سے 10 دن پرانی تھی۔
پولیس حکام نے تکلیف دہ انکشاف کیا کہ کہ کمرے میں 2 سال سے لڑکی کے ساتھ اس کا 32 سال کا بھائی حسن بھی قید تھا، جو بازیاب ہونے کے بعد بھی خوف کے مارے کچھ بول نہیں پا رہا تھا۔
درندہ صفت باپ نے 4 بچوں کو ذبح کر کے خودکشی کر لی
گاؤں کے کچھ لوگوں نے پولیس کو بتایا کہ دونوں بہن بھائیوں کا ذہنی توازن بھی درست نہیں ہے۔ پولیس کو دونوں کے قید کی اطلاع گمنام خط سے ملی تھی، جس میں دعویٰ کیا گیا تھا کہ جائیداد ہتھیانے کے لیے چچا زاد بھائی دونوں پر ظلم کر رہے ہیں۔
پولیس کا کہنا ہے کہ ملزموں کو جلد گرفتار کر لیا جائے گا۔
