چیمپئنز ٹرافی میں افغانستان اور انگلینڈ کا اہم میچ آج کھیلا جا رہا ہے میچ سے قبل افغان کرکٹرز کی ایک دلچسپ ویڈیو وائرل ہوئی ہے۔
سوشل میڈیا ایپ انسٹا گرام پر افغانستان کے وکٹ کیپر بیٹر رحمان اللہ گرباز اور آل راؤنڈر گلبدین نائب کی ایک دلچسپ ویڈیو تیزی سے وائرل ہو رہی ہے۔ اس ویڈیو میں دونوں کرکٹرز گزشتہ سال ٹی 20 ورلڈ کپ میں بنگلہ دیش کے خلاف اہم میچ کے دوران گلبدین کو پڑنے والے مشکوک کریمپس کا ذکر کرتے ہوئے اس کی ساری کہانی بتا رہے ہیں۔
ویڈیو میں رحمان اللہ گرباز کہتے ہیں کہ ٹی 20 ورلڈ کپ میں بنگلہ دیش کے خلاف میچ کے سنسنی خیز لمحات میں سب سے دلچسپ چیز گلبدین کے اچانک کریمپس پڑنا تھا۔ وہ فرسٹ سلپ میں فیلڈنگ کے دوران اچانک کریمپس پڑنے کا اشارہ کرتے ہوئے گر گیا لیکن چند منٹ بعد بولنگ کر رہا تھا۔
رحمان اللہ نے ہنستے ہوئے کہا کہ گلبدین کہہ تو رہا ہے کہ اس کو حقیقت میں کریمپس پڑا تھا لیکن ایمانداری سے بات کروں تو مجھے اب تک یقین نہیں کہ یہ حقیقی کریمپس تھا، میں کیا پوری ٹیم اس بارے میں مشکوک ہے، ہوسکتا ہے کہ وہ اداکاری کا ایک چھوٹا سا مظاہرہ ہو۔
View this post on Instagram
انہوں نے کہا کہ لوگوں نے اس کا مذاق بنایا، میمز بنائیں، مگر بطور کھلاڑی یہ بات کہہ سکتا ہے ہوں کہ کسی بھی کھلاڑی کو انجری ہو سکتی ہے۔
اسی دوران ویڈیو میں گلبدین نائب کی انٹری ہوتی ہے اور وہ واقعہ یاد کرتے ہوئے کہتے ہیں کہ جب یہ واقعہ ہوا تو وہ کافی سنسنی خیز وقت تھا۔ ٹیم کو کبھی کبھار میدان میں اپنے کھلاڑی سے بغیر بال، بیٹ اور فیلڈنگ کے ضرورت ہوتی ہے۔
گلبدین نے کہا کہ مجھے اس میچ میں ایک چھوٹی سی مشکل کا سامنا ہوا اور لیکن لوگوں نے اس کو ایک بڑا مسئلہ بنا دیا۔ تاہم یہ سب میرے لیے اچھا رہا، میچ کے بعد کئی فلمی اداکاروں نے مجھے میسج کیا کہ اور کہا کہ بہت اعلیٰ اداکاری، ہم نے انجوائے کیا۔ تم ہالی ووڈ فلموں میں کام کر سکتے ہو۔
افغان کوچ ڈائریکٹر تو کھلاڑی کمال کا ایکٹر، جیت کیلیے ڈرامے کا الزام، وائرل ویڈیو
