چیمپئنز ٹرافی کے گیارہویں میچ میں جنوبی افریقا نے انگلینڈ کو 7 وکٹوں سے شکست دے دی۔
کراچی کے نیشنل بینک اسٹیڈیم میں کھیلے گئے میچ میں جنوبی افریقا نے انگلینڈ کی جانب سے دیا جانے والا 180 رنز کا ہدف باآسانی تین وکٹوں کے نقصان پر 30ویں اوور میں حاصل کرلیا۔
ریان ریکلٹن 27 رنز بنا کر آؤٹ ہوئے، ہینرک کلاسن نے 64 رنز کی اننگز کھیلی، وین ڈر ڈوسن 72 رنز بنا کر ناٹ آؤٹ رہے۔
انگلینڈ کی جانب سے جوفرا آرچر نے دو اور عادل رشید نے ایک وکٹ حاصل کی۔
واضح رہے کہ چیمپئنز ٹرافی کی سیمی فائنل لائن اپ مکمل ہوچکی ہیں، جنوبی افریقا، بھارت، نیوزی لینڈ اور آسٹریلیا کی ٹیمیں ایونٹ کا سیمی فائنل کھیلیں گی۔
اس سے قبل انگلینڈ کی ٹیم 38.2 اوورز میں 179 رنز پر ڈھیر ہوگئی اور جنوبی افریقا کو جیت کے لیے 180 رنز کا ہدف دیا۔
جو روٹ 37 رنز کے ساتھ ٹاپ اسکورر رہے، جوفرا آرچر نے 25، بین ڈکٹ نے 24 رنز بنائے۔
جنوبی افریقا کی جانب سے ملڈر اور مارکو جینسن نے 3، 3 کھلاڑیوں کو آؤٹ کیا، کیشو مہاراج نے دو وکٹیں لیں۔
انگلینڈ نے جنوبی افریقہ کے خلاف ٹاس جیت کر بیٹنگ کا فیصلہ کیا ہے۔
واضح رہے کہ گروپ اے سے بھارت اور نیوزی لینڈ پہلے ہی سیمی فائنل کیلئے کوالیفائی کر چکے ہیں۔
