قومی ٹیم کے سابق فاسٹ بولر تنویر احمد نے چیمپئنز ٹرافی کے اسکواڈ میں فہیم اشرف کی شمولیت پر شدید تنقید کی ہے۔
سابق فاسٹ بولر تنویر احمد نے تنقید کرتے ہوئے کہا کہ فہیم اشرف پاکستان کے بین اسٹوکس کی ٹیم میں واپسی ہوگئی ہے، چیک کریں عامر جمال پاگل ہے ڈومیسٹک کھیل رہے ہیں ٹیم کے ساتھ رہے اور باہر ہوگئے۔
انہوں نے کہا کہ فہیم اشرف کو بنگلادیش پریمیئر لیگ کی پرفارمنس پر لے آئے ہیں یا پھر کچھ اور ہے میرے سمجھ سے باہر ہے۔
گزشتہ روز وسیم اکرم نے بھی آل راؤنڈر فہیم اشرف کی سلیکشن پر تشویش کا اظہار کرتے ہوئے انہیں ‘آؤٹ آف بلیو’ قرار دیا اور کہا تھا کہ ابتدائی 20 میچز میں اسکی بالنگ اوسط 100 کی ہے اور بیٹنگ اوسط محض 9 کی، اب آگے کیا کہہ سکتے ہیں۔
وسیم اکرم کے علاوہ سابق کرکٹرز کامران اکمل اور باسط علی نے بھی آل راؤنڈر فہیم اشرف کے ساتھ خوشدل شاہ کی واپسی پر سوالیہ نشان اٹھایا اور ٹورنامنٹ میں ان کی جگہ سفیان مقیم اور بالنگ آل راؤنڈر کیلیے عامر جمال کے ناموں کے حمایت کی۔
واضح رہے کہ فہیم اشرف نے اپنا آخری ون ڈے میچ روایتی حریف بھارت کیخلاف 11 ستمبر 2023 میں ایشیا کپ میں کھیلا تھا جہاں پاکستان کو بدترین شرکت کا منہ دیکھنا پڑا تھا جب کہ خوشدل شاہ نے پاکستان کی نمائندگی کرتے ہوئے اپنا آخری میچ 7 اکتوبر 2023 کو کھیلا تھا۔
