چیمپئنز ٹرافی کا آغاز دو روز بعد ہو رہا ہے میگا ایونٹ کا فائنل کن دو ٹیموں کے درمیان ہوگا اور کون جیتے گا ایک اور پیشگوئی سامنے آ گئی۔
آئی سی سی چیمپئنز ٹرافی کا آغاز دو روز بعد پاکستان اور نیوزی لینڈ کے درمیان میچ سے ہو رہا ہے۔ دو ہفتے تک جاری رہنے والے اس ایونٹ کا فائنل میچ 9 مارچ کو کھیلا جائے گا۔
اس شوپیس ایونٹ کے انعقاد سے پہلے کئی سابق کرکٹرز فائنل فور ٹیموں کی پیشگوئی کرچکے ہیں اور اب آسٹریلیا کے ایک سابق کپتان مائیکل کلارک نے فائنل میچ کے حوالے سے پیشگوئی کی ہے۔
مائیکل کلارک نے پیشگوئی کی ہے کہ چیمپئنز ٹرافی کا فائنل آسٹریلیا اور بھارت کے درمیان ہوگا اور فیصلہ کن میچ میں بلیو شرٹس فتح حاصل کر کے ٹرافی اٹھائیں گے۔
سابق آسٹریلوی کپتان نے پاکستان کو بھی چیمپئنز ٹرافی جیتنے کی مضبوط ٹیموں میں شامل کرتے ہوئے کہا کہ گرین شرٹس کا پلس پوائنٹ ان کا ہوم گراؤنڈ ہوگا۔
انہوں نے کہا کہ میں سیمی فائنل میں میزبان پاکستان کے ساتھ بھارت، آسٹریلیا اور نیوزی لینڈ کو دیکھ رہا ہوں جب کہ فائنل میں آسٹریلیا اور بھارت ایک دوسرے کے مدمقابل ہوں گے۔
مائیکل کلارک نے مزید کہا کہ مجھے لگ رہا ہے کہ فائنل میں بھارت آسٹریلیا کو زیر کر لے گا۔
سابق کرکٹر نے یہ بھی پیشگوئی کی کہ چیمپئنز ٹرافی میں سب سے زیادہ رنز بھارتی کپتان روہت شرما بنائیں گے۔
چیمپئنز ٹرافی میں کون سے پانچ بلے باز دھوم مچا سکتے ہیں؟ آئی سی سی کی پیشگوئی
