کراچی: آئی سی سی چیمپیئنز ٹرافی کے انتظامات کا جائزہ لینے کے لیے انٹرنیشنل کرکٹ کونسل کا وفد چار روزے دورے پر آج رات کراچی پہنچے گا۔
تفصیلات کے مطابق چیمپئنز ٹرافی 2025ء کے سلسلے میں انٹرنیشنل کرکٹ کونسل کا وفد آج رات کراچی پہنچے گا، آئی سی سی کا وفد کراچی میں نیشنل اسٹیڈیم، لاہور میں قذافی اسٹیڈیم اور پنڈی کرکٹ اسٹیڈیم کا بھی دورہ کرے گا۔
آئی سی سی کا 6 رکنی وفد میں ایونٹ آرگنائزرز سمیت سیکیورٹی نمائندے شامل ہیں، وفد قانون نافذ کرنے والےاداروں کے نمائندوں سے ملاقات بھی کریگا، ایئرپورٹ سے ہوٹل اور ہوٹل سے اسٹیڈیم کے روٹ کا معائنہ کیا جائے گا۔
ذرائع کا کہنا ہے کہ آئی سی سی وفد اگلے مرحلے میں اسلام آباد اور پھر لاہور کا دورہ کرے گا، آئی سی سی وفد دورہ مکمل کرنے کے بعد رپورٹ مرتب کرے گا۔
واضح رہے کہ آئی سی سی چیمپیئنز ٹرافی انتظامات دیکھنے کے لیے پاکستان آنے والا مجموعی طو پر یہ آئی سی سی کا چوتھا وفد ہوگا، چیمپئنز ٹرافی 2025 کی میزبانی پاکستان کرے گا۔
