آئی سی سی نے چیمپئنز ٹرافی کے فائنل میچ کے لیے آفیشلز کا اعلان کر دیا میزبان ملک کے امپائر کو نظر انداز کر دیا گیا۔
انٹرنیشنل کرکٹ کونسل (آئی سی سی) نے 9 مارچ چیمپئنز ٹرافی کے فائنل میچ کے لیے آفیشلز کا اعلان کر دیا ہے اور اس میں میزبان ملک پاکستان کے آئی سی سی ایلیٹ پینل میں شامل امپائر احسن رضا کو نظر انداز کر دیا گیا ہے۔
آئی سی سی اعلامیہ کے مطابق فائنل میں میں آسٹریلیا کے پال رائفل اور انگلینڈ کے رچرڈ النگورتھ آن فیلڈ امپائرنگ کی ذمہ داریاں نبھائیں گے جب کہ ویسٹ انڈیز کے جول ولسن تھرڈ امپائر ہوں گے۔
سری لنکا کے کمار دھرماسینا چوتھے امپائر اور رنجن مدوگالے میچ ریفری کے فرائض انجام دیں گے۔
واضح رہے کہ آئی سی سی چیمپئنز ٹرافی 2025 کا فائنل میچ ہائبر ماڈل کے تحت دبئی میں 9 مارچ کو بھارت اور نیوزی لینڈ کے درمیان کھیلا جائے گا۔
’’شکریہ پاکستان‘‘ آئی سی سی نے چیمپئنز ٹرافی کے شاندار انعقاد پر ویڈیو شیئر کر دی
