چیمپئنز ٹرافی کے چھٹے میچ میں نیوزی لینڈ کی بنگلادیش کیخلاف جیت نے پاکستان کو بھی چیمپئنز ٹرافی سے باہر کردیا۔
راولپنڈی میں کھیلے گئے میچ میں نیوزی لینڈ نے بنگلادیش کی جانب سے دیا گیا 237 رنز کا ہدف باآسانی 46.1 اوورز میں پانچ وکٹوں کے نقصان پر حاصل کرلیا۔
کیوی بیٹر راچن رویندرا نے کم بیک کرتے ہوئے شاندار 112 رنز کی اننگز کھیلی۔ ٹام لیتھم 55 رنز بنا کر نمایاں رہے۔
View this post on Instagram
ول یونگ بغیر کوئی رن بنائے آؤٹ ہوئے، ڈیون کانوے 30 رنز بنا کر آؤٹ ہوئے، کین ولیمسن بھی صرف 5 رنز بنا کر پویلین لوٹ گئے۔
بنگلادیش کی جانب سے تسکین احمد، ناہید رضا، مستفیض الرحمان اور رشاد حسین نے ایک، ایک وکٹ حاصل کی۔
View this post on Instagram
بنگلادیش نے پہلے بیٹنگ کرتے ہوئے مقررہ اوورز میں9 وکٹوں کے نقصان پر 236 رنز بنائے اور نیوزی لینڈ کو جیت کے لیے 237 رنز کا ہدف دیا تھا۔
کپتان نجم الحسن شنٹو نے 77 رنز کی ذمہ دارانہ اننگز کھیلی، تنزید حسین 24 رنز بنا کر آؤٹ ہوئے، ذاکر علی 45 رنز بنا کر رن آؤٹ ہوئے۔
View this post on Instagram
مہدی حسن مراز 13 رنز بنا کر او رورکی کا نشانہ بنے، مشفیق الرحیم 2 اور محمود اللہ 4 رنز بناسکے۔
نیوزی لینڈ کی جانب سے بریسویل نے چار کھلاڑیوں کو آؤٹ کیا، ول او رورکی نے دو وکٹیں حاصل کیں۔
View this post on Instagram
کیوی کپتان مچل سینٹنر نے ٹاس جیت کر پہلے بولنگ کا فیصلہ کرتے ہوئے بنگال ٹائیگرز کو بیٹنگ کی دعوت دی تھی۔
واضح رہے کہ بنگلہ دیش کو ٹورنامنٹ میں برقرار رہنے کے لیے آج کا میچ جیتنا لازمی ہے۔ ہار کی صورت میں اس کے ساتھ دفاعی چیمپئن اور میزبان پاکستان بھی ٹورنامنٹ سے باہر اور گروپ ون سے بھارت اور نیوزی لینڈ سیمی فائنل کے لیے کوالیفائی کر لیں گے۔
View this post on Instagram
نیوزی لینڈ کی ٹیم بھی اس وقت بھرپور فارم میں ہے جس نے آخری پانچ ون ڈے میچز میں سے لگاتار چار میچز جیت رکھے ہیں۔
بنگلہ دیش کی ٹیم چیمپئنز ٹرافی میں بھارت سے ہار چکی ہے اور آخری پانچ میچز میں سے بھی کوئی میچ نہیں جیتا۔ تاہم بنگال ٹائیگرز 2017 چیمپئنز ٹرافی کی نیوزی لینڈ کو ہرا کر تاریخ دہرانے کے لیے بے قرار ہیں۔
اگر بنگلہ دیش گزشتہ چیمپئنز ٹرافی کی تاریخ دہراتی ہے تو بیوزی لینڈ کی اپ سیٹ شکست کی صورت میں پاکستان کا سیمی فائنل کی دوڑ میں شامل رہنے کا موہوم امکان ہوگا۔
ہیڈ ٹو ہیڈ مقابلوں میں نیوزی لینڈ کا پلڑا بھاری ہے۔ دونوں ٹیموں نے اب تک 45 میچ کھیلے ہیں۔ نیوزی لینڈ نے 33 اور بنگلہ دیش نے 11 میچز جیتے ہیں جب کہ ایک میچ بے نتیجہ رہا۔
