چیمپئنز ٹرافی کے چھٹے میچ میں بنگلادیش نے نیوزی لینڈ کو جیت کے لیے 245 رنز کا ہدف دے دیا۔
راولپنڈی میں کھیلے جارہے میچ میں بنگلادیش نے پہلے بیٹنگ کرتے ہوئے مقررہ اوورز میں9 وکٹوں کے نقصان پر 236 رنز بنائے اور نیوزی لینڈ کو جیت کے لیے 237 رنز کا ہدف دیا۔
کپتان نجم الحسن شنٹو نے 77 رنز کی ذمہ دارانہ اننگز کھیلی، تنزید حسین 24 رنز بنا کر آؤٹ ہوئے، ذاکر علی 45 رنز بنا کر رن آؤٹ ہوئے۔
مہدی حسن مراز 13 رنز بنا کر او رورکی کا نشانہ بنے، مشفیق الرحیم 2 اور محمود اللہ 4 رنز بناسکے۔
نیوزی لینڈ کی جانب سے بریسویل نے چار کھلاڑیوں کو آؤٹ کیا، ول او رورکی نے دو وکٹیں حاصل کیں۔
کیوی کپتان مچل سینٹنر نے ٹاس جیت کر پہلے بولنگ کا فیصلہ کرتے ہوئے بنگال ٹائیگرز کو بیٹنگ کی دعوت دی تھی۔
واضح رہے کہ بنگلہ دیش کو ٹورنامنٹ میں برقرار رہنے کے لیے آج کا میچ جیتنا لازمی ہے۔ ہار کی صورت میں اس کے ساتھ دفاعی چیمپئن اور میزبان پاکستان بھی ٹورنامنٹ سے باہر اور گروپ ون سے بھارت اور نیوزی لینڈ سیمی فائنل کے لیے کوالیفائی کر لیں گے۔
نیوزی لینڈ کی ٹیم بھی اس وقت بھرپور فارم میں ہے جس نے آخری پانچ ون ڈے میچز میں سے لگاتار چار میچز جیت رکھے ہیں۔
بنگلہ دیش کی ٹیم چیمپئنز ٹرافی میں بھارت سے ہار چکی ہے اور آخری پانچ میچز میں سے بھی کوئی میچ نہیں جیتا۔ تاہم بنگال ٹائیگرز 2017 چیمپئنز ٹرافی کی نیوزی لینڈ کو ہرا کر تاریخ دہرانے کے لیے بے قرار ہیں۔
اگر بنگلہ دیش گزشتہ چیمپئنز ٹرافی کی تاریخ دہراتی ہے تو بیوزی لینڈ کی اپ سیٹ شکست کی صورت میں پاکستان کا سیمی فائنل کی دوڑ میں شامل رہنے کا موہوم امکان ہوگا۔
ہیڈ ٹو ہیڈ مقابلوں میں نیوزی لینڈ کا پلڑا بھاری ہے۔ دونوں ٹیموں نے اب تک 45 میچ کھیلے ہیں۔ نیوزی لینڈ نے 33 اور بنگلہ دیش نے 11 میچز جیتے ہیں جب کہ ایک میچ بے نتیجہ رہا۔
