راولپنڈی: بنگلادیش کے اسسٹنٹ کوچ محمد صلاح الدین نے کہا ہے کہ بنگلادیش نے چیمپئنز ٹرافی میں اچھا نہیں کھیلا اب آخری میچ بہتر کھیلنے کی کوشش کریں گے۔
پاکستان اور بنگلادیش چیمپئنز ٹرافی میں کل اپنا آخری میچ کھیلیں گی۔ دونوں ٹیمیں اپنے دونوں میچ ہار کر فائنل فور کی دوڑ سے باہر ہو چکی ہیں۔
پنڈی میں شیڈول میچ کے حوالے سے اسسٹنٹ کوچ نے کہا کہ بنگلادیش کے بالرز نے گزشتہ 2میچوں میں بہتر بالنگ کی، اسکواڈ میں 15کھلاڑی ہیں اسی پر فوکس کرنا ہے۔
انہوں نے بتایا کہ بنگلادیش کے پاس ڈومیسٹک مقابلوں کیلئے کافی تیز فاسٹ بالرز موجود ہیں تسکین اور رانا اچھی بالنگ کر رہے ہیں اور مزید سیکھ رہے ہیں، مستقبل میں بنگلا دیش کو باصلاحیت فاسٹ بالرز ملیں گے مستقبل میں ورلڈکرکٹ میں بنگلادیش کے فاسٹ بالرز اچھا نام بنائیں گے۔
محمدصلاح الدین کا کہنا تھا کہ چیمپئنزٹرافی میں بنگلادیش کی بالنگ بہتر رہی لیکن بیٹنگ میں بہتری کی ضرورت تھی بنگلادیش کابیٹنگ کمبنیشن کچھ ٹھیک نہیں تھا مڈل آرڈر پرفارمینس نہیں دے پایا۔
