بھارت کے تجربہ کار بولر محمد شامی نے پاکستان کے خلاف ناپسندیدہ ریکارڈ اپنے نام کر لیا۔

دبئی انٹرنیشنل کرکٹ اسٹیڈیم میں میزبان پاکستان کے خلاف آئی سی سی مینز چیمپئنز ٹرافی 2025 بلاک بسٹر میچ میں محمد شامی پہلے ہی اوور میں لائن و لینتھ بھول گئے۔

انہوں نے اپنے پہلے اوور میں 11 گیندیں پھینکیں، جو ون ڈے میں کسی ہندوستانی بولر کی مشترکہ سب سے زیادہ ہیں۔

دائیں ہاتھ کے تیز گیند باز نے اپنی لائن کو برقرار رکھنے کے لئے جدوجہد کی لیکن وہ کنٹرول نہیں کرپائے اور پہلے ہی اوور میں 5 وائڈ بالز کروا دیں۔

اس کے نتیجے میں، شامی نے ساتھی تیز گیند بازوں عرفان پٹھان اور ظہیر خان کے ساتھ شمولیت اختیار کی، جنہوں نے بالترتیب 2006 اور 2003 میں ایک اوور میں 11 گیندیں کی تھیں۔

حیران کن طور پر یہ ان تینوں بولرز نے اننگز کے پہلے اوور میں 11 گیندیں کروائی تھیں۔