دبئی کرکٹ اسٹیڈیم میں کل روایتی حریف ہائی وولٹیج میچ میں پاکستان اور بھارت آمنے سامنے ہوں گے، دونوں ٹیموں نے تیاریاں تیز کردیں۔
چیمپئنز ٹرافی 2025 کے 5واں میچ 23 فروری بروز اتوار دبئی انٹرنیشنل کرکٹ اسٹیڈیم میں پاکستان اور بھارت کے خلاف ہوگا، دبئی میں ہائی وولٹیج مقابلے سے قبل محکمہ موسمیات نے بارش کی پیشگوئی کردی ہے۔
متحدہ عرت امارات کی محکمہ موسمیات کے مطابق دبئی میں اتوار کو بارش کا امکان ہے، کہا جارہا ہے کہ رات کے وقت کھیل کے ختم ہونے کے دوران بارش ہوسکتی ہے جس سے میچ متاثر ہونے کا امکان کم ہے۔
یووراج سنگھ نے بھارت کے بجائے پاکستان کو ’فیورٹ‘ قرار دے دیا
محکمہ موسمیات کا کہنا ہے کہ دبئی میں اتوار کی رات اور پیر کی صبح جزوی طور پر موسم ابر آلود اور ہلکی بارش کا امکان ہے، جبکہ اس وقت 30 کلومیٹر فی گھنٹہ کی رفتار سے ہوا چل رہی ہے۔
محکمہ موسمیات کے مطابق دبئی میں اتوار کے روز دن کا درجہ حرارت 33 ڈگری سینٹی گریڈ جبکہ رات کا درجہ حرارت 20 ڈگری سینٹی گریڈ رہنے کا امکان ہے۔
واضح رہے کہ پاکستان کو کمزور ڈیتھ بولنگ اور اسٹار بلے باز ناکامی کی وجہ سے چیمپئنز ٹرافی 2025 کے افتتاحی میچ میں نیوزی لینڈ کے خلاف 60 رنز کے مارجن سے شکست کا سامنا کرنا پڑا تھا۔
دوسری جانب بھارت نے اپنے افتتاحی میچ میں بنگلہ دیش کو چھ وکٹوں سے شکست دی تھی، اس میچ میں بھارتی ٹیم کے بیٹر اور بولرز کی مشترکہ امتزاج نے انہیں جیت سے ہمکنار کیا تھا۔
