چیمپئنز ٹرافی کے آغاز میں دو دن باقی رہ گئے ہیں دفاعی چیمپئن پاکستان ٹیم کی اپنے اعزاز کے دفاع کے لیے تیاریاں زور وشور سے جاری ہیں۔
آئی سی سی چیمپئنز ٹرافی شروع ہونے میں صرف دو دن باقی ہیں۔ پاکستان میزبان ہونے کے ساتھ ٹورنامنٹ کا دفاعی چیمپئن بھی ہے اور اپنے اعزاز کے دفاع کی مہم بدھ 19 فروری کو نیوزی لینڈ کے خلاف نیشنل اسٹیڈیم کراچی میں میگا ایونٹ کے افتتاحی میچ سے کرے گا۔
ہوم گراؤنڈ پر ٹائٹل کے دفاع کے عزم اور پاکستان کو ایک بار بھر چیمپئنز ٹرافی کا چیمپئن بنانے کے مشن کو کامیابی سے ہمکنار کرنے کے لیے گرین شرٹس کی نیشنل اسٹیڈیم کراچی میں تیاریاں زور وشور سے جاری ہیں۔
قومی کرکٹر نے بھرپور انداز میں مشقوں کا سلسلہ جاری رکھا، جسمانی ورزشوں سے اغاز کرنے کے بعد فیلڈنگ کی پریکٹس کی گئی اور بعد میں نیٹ پر بولنگ اور بیٹنگ پریکٹس کر کے خامیوں کو دور کرنے کی کوشش کی گئی۔
تاہم قومی کپتان محمد رضوان اور اسپنر ابرار احمد نے آرام کو ترجیح دیتے ہوئے پریکٹس میں شرکت نہیں کی۔
View this post on Instagram
سہ فریقی سیریز میں نیوزی لینڈ کے خلاف انجری کا شکار ہونے والے قومی فاسٹ بولر حارث رؤف مکمل صحتیاب ہوگئے ہیں اور میگا ایونٹ میں پاکستان کی نمائندگی کے لیے تیار ہیں۔پیسر نے نیٹ سیشن میں شرکت کی اور بولنگ کرائی۔
واضح رہے کہ پاکستان نے 2017 میں سرفراز احمد کی قیادت میں پہلی بار چیمپئنز ٹرافی کا ٹائٹل جیتا تھا۔ یہ میگا ایونٹ 8 سال بعد منعقد ہو رہا ہے۔
آئی سی سی چیمپئنز ٹرافی 2025 : آسٹریلین کرکٹ ٹیم پاکستان پہنچ گئی
