پاکستان کے چیمپئن کپتان سرفراز احمد چیمپئنز ٹرافی 2025 کا حصہ بن گئے آئی سی سی نے انہیں میگا ایونٹ کا ایمبسیڈر مقرر کر دیا ہے۔
پاکستان کو پہلی بار آئی سی سی چیمپئنز ٹرافی کا فاتح بنانے اور اپنی قیادت میں دو آئی سی سی ٹرافیاں جتوانے والے ریکارڈ ساز سابق قومی کپتان سرفراز احمد چیمپئنز ٹرافی 2025 کا حصہ بن گئے ہیں۔
انٹرنیشنل کرکٹ کونسل (آئی سی سی) نے سرفراز احمد کو چیمپئنز ٹرافی 2025 کے لیے ایمبسیڈر مقرر کر دیا ہے۔
آئی سی سی نے سرفراز احمد کے ساتھ سابق بھارتی کھلاڑی شیکھر دھون، سابق کیوی کرکٹر ٹم ساؤتھی اور آسٹریلیا کے سابق آل راؤنڈر شین واٹسن کو بھی چیمپئنز ٹرافی کے لیے ایمبیسڈر مقرر کیا ہے۔
واضح رہے کہ آئی سی سی چیمپئنز ٹرافی کا آغاز 19 فروری سے ہو رہا ہے۔ پاکستان میزبان ملک ہونے کے ساتھ دفاعی چیمپئن بھی ہے۔
میگا ایونٹ کا افتتاحی میچ 19 فروری کو نیشنل اسٹیڈیم کراچی میں پاکستان اور نیوزی لینڈ کے درمیان کھیلا جائے گا۔
