آئی سی سی چیمپئنز ٹرافی سے قبل آسٹریلیا ٹیم کو بڑا دھچکا لگا ہے اور ان کا اہم ترین کھلاڑی انجری کے باعث ٹورنامنٹ سے باہر ہو گیا ہے۔
آئی سی سی چیمپئنز ٹرافی میں تین ہفتے باقی ہیں تاہم اس سے ون ڈے کی عالمی چیمپئن آسٹریلیا کی ٹیم کو بڑا دھچکا لگا ہے اور آل راؤنڈر مچل مارش کمر کے تکلیف کے باعث چیمپئنز ٹرافی سے باہر ہوگئے ہیں۔
آسٹریلوی میڈیا کے مطابق مچل مارش جو کمر کی تکلیف کے باعث ری ہیب کے مرحلے سے گزر رہے تھے۔ ان کی بحالی کے عمل کے دوران بھی تکلیف دور نہیں ہوئی جس کے باعث وہ چیمپئنز ٹرافی میں شرکت نہیں کر سکیں گے۔
رپورٹ کے مطابق مچل مارش چیمپئنز ٹرافی مزید آرام اور ری ہیب کرتے ہوئے ٹی وی اسکرین پر دیکھیں گے۔
کرکٹ آسٹریلیا کا کہنا ہے کہ جلد ہی مچل مارش کے متبادل کا اعلان کر دیا جائے گا۔
واضح رہے کہ آسٹریلیا چیمپئنز ٹرافی کے لیے 15 رکنی اسکواڈ کا اعلان کرچکا ہے تاہم حتمی اسکواڈ کی ڈیڈ لائن 11 فروری ہے۔ اس مدت کے بعد کسی بھی ٹیم میں تبدیلی کے لیے متعلقہ بورڈز کو آئی سی سی کی ٹیکنیکل کمیٹی سے رجوع کرنا پڑے گا۔
ویڈیو: ’’پاک بھارت مقابلے، کرکٹ کی بڑی جنگ ‘‘ نیٹ فلیکس دستاویزی فلم کی پہلی جھلک جاری
